"Depoizde de tinan 20 liu tiha, ita kaer rasik ita-nia kuda talin, ita gasta ona billaun 14 mais (+) billaun 3 hamutuk billaun 17”, hatete Branco iha plenária PN, kuarta (15/09).

Tanba ne'e, iha sensaun lejislativa ne’ebé realiza ba dala-haat iha Parlamentu Nasionál, sai hanesan momentu ida ne’ebé lori deputadu sira ba hamutuk filafali iha uma fukun povu nian oinsá mak halo reflesaun hodi hatuur loloos polítika ba povu no nasaun nia ‘bem-estar’ no prosperidade.

Maske, iha Sesaun Lejislativa ida ne'e rohan ona ba V Lejislatura nian, maibé bankada Fretilin mantein ninia postura polítika atu viabiliza VIII Governu Konstitusionál to’o nia mandatu remata.

Iha Sesaun Lejislativa datolu liubá, maske hasoru difikuldade oioin no iha rejime duodésimu tempu naruk, iha limitasaun barak tanba Covid-19 ho dezastre naturál hanesan inundasaun iha loron 4 fulan-abríl.

Maibé Parlamentu Nasionál iha V Lejislatura, nia produtividade lejislativa konsege aas liu sesaun lejislativa dahuluk no sira seluk.

Aktu Legislativa ne’ebé prodús iha Sesaun Lejislativa datoluk konsege prodús lejislasaun komún 14, autorizasaun lejislativa iha 2, tratadu no assuntu rejionál hamutuk 4.

Aleinde Parlamentu Nasionál halo mós eleisaun ba membru no titulár sira Komisaun Funsaun Públika (KFP) nomós membru Konsellu Imprensa, membru efetivu, suplente nomós ba Prezidente Komisaun Nasionál Eleisaun nian.

Deputadu sira mós hala'o debate no aprova Orsamentu Jerál Estadu 2020, lei n°10/2020, iha loron 19 fulan-outubru, no Orçamento Geral do Estado 2021, ho lei n° 14/2020, iha loron 29 fulan-dezembru.

 Nune'e mós hala'o debate ba Proposta Lei kona-ba Eleisaun ba Prezidente Repúblika, Órgaun Administrasaun Eleitorál ho Resenseamentu Eleitorál aprova ho unanimidade, maske iha diferensa maibé sira konsege unanimidade aprova lejislasaun ida-ne’e.

Enkuantu iha Sesaun Lejislativa datoluk, iha reforma judisiária hodi halo alterasaun ba organizasaun judisiária ne’ebé altera regulamentu UNTAET nian númeru 11 ho lei foun no hadia filafali Estatutu Ministériu Públiku nian no Estatutu ba Majitradus Judisiál hodi nune’e lori filafali konfiansa liután ba públiku Nasionál no ba investidór internasionál sira ho reforma judisiária ida-ne’e, inklui aprova mós iha jeneralidade, rejime jurídiku Assosiasaun Públika Profissionál.

Lei ida-ne’e nia substánsia estratéjika tebes, tanba sosiedade no ‘profissionál’ barak mak presiza organiza sira-nia an, ne’ebé lakle’ur tan sei aprova tan lei Ordem dos Advogados.

Prioridade ida mós ba Bankada FRETILIN mak polítika ba desentralizasaun podér lokál, fazeadamente, tenke prodús Polítika Ordenamentu ba Territóriu.

Lei Podér lokál nia prosesu hahú husi Lejislatura dahuluk, ho  Governu Konstitusionál dahuluk no sei hakotu iha V Lejislatura husi VIII Governu Konstitusionál hodi bele implementa iha tempu tuir-mai.

Haree ba rezultadu ne'e, Parlamentu Nasionál halo ona buat barak iha Sesaun Lejislativa sira liuba, maibé ema hotu presiza esforsu an nafatin hodi servi di’ak liután, povu no estadu. (*)