"Prontu, país ida ne'e, ba Povu, ba ita nia ekonomia, tenki-ser prontu," Rui deklara ninia prontidaun.
Eis Xefi Kaza sivíl ne'e hateten, nia parte assume pasta ministru finansas tanba hetan konfiansa husi Prezidenti Repúblika (PR) Francisco Guterres Lu Olo, Primeiru ministru (PM) Taur Matan Ruak no atuál Sekretáriu jerál FRETILIN, Mari Alkatiri.
"Infelizmente ita bo'ot sira hatene katak, ita nia ministru Fernando Hanjam tanba saúde, nia la konsege kontinua nia knar. Tanba ne'e mak iha konfiansa husi PM Jenerál Taur Matan Ruak, PR ho mos Mari Alkatiri, hili ha’u atu asume kargu ministru finansas," Rui Gomes hateten.
Entertantu, kargu MF la’ós foun ba Rui Gomes, tanba antes ne'e mós iha Tinan 2017, simu knaar nu'udár MF iha VII governu konstitusionál, maibé tanba impase politika, Gomes la lakonsege jere MF to’o tinan ida, hafoin Prezidente Repúblika dissolve Parlamentu Nasional hodi hakat ba eleisaun antesipada iha tinan 2018.
