PM Taur Kontinua Garante Kooperasaun ho EUA iha Biden nia Ukun

PM Taur Matan Ruak ko'alia ba Jornalista sira iha Palasiu Prezidensial, iha tersa (17/11) PM Taur Matan Ruak ko'alia ba Jornalista sira iha Palasiu Prezidensial, iha tersa (17/11) Foto Midia PR

Tempotimor (Dili)- Primeiru Ministru (PM) Taur Matan Ruak garante sei kontinua kooperasaun entre Timor-Leste ho Estadus Unidus Amérika (EUA), iha área sira ne'ebé iha ona, durante Prezidente eleitu Joe Biden nia ukun.

Tanba ne’e, Xefe Governu Taur Matan Ruak kongratula Prezidente Amérika foun, ne’ebé foin eleitu iha eleisaun Prezidensiál foin lalais ne’e.

Taur hateten, nasaun ida-idak iha ninia polítika, inklui Timor-Leste rasik iha ninia polítika ba kooperasaun ho Amérika.

"Ita bazeia ba ita-nia polítika katak, ne'e laiha interferénsia ba asuntu interna pais ida nian. Entaun, ha'u la halo komentáriu kona-ba polítika saida mak sei halo," PM Taur hateten lia hirak ne’e iha Palásiu Prezidensiál Bairru-pité, Tersa (17/11).

Xefe governu ne'e mós dehan, naturalmente nasaun hotu inklui Timor-Leste esforsu hela hodi halu’an liu tán kooperasaun ho EUA.

"TL buka hametin liután kooperasaun ho EUA iha área sira ne'ebé daudaun ne'e ita iha. Ita la'ós oitoan nomós ita espande liután iha área seluk ne'ebé interese hamutuk ba nasaun rua ne'e nian, tanba realidade ita TL mak benefísiu liu kona-ba apoiu estadu unidus nian," Taur rekoñese.(*)

Rate this item
(0 votes)
Last modified on Wednesday, 18 November 2020 12:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks