Ministru Prezidénsia Konsellu Ministru Fidelis Leite Magalhães relata, projetu deliberasaun ne'e aprezenta husi Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno no ohin hetan ona aprovasaun husi Konsellu Ministru.
"Aprova ona projetu deliberasaun ne'ebé atu atribui Medalla Méritu, Títulu Póstumu ba Militár na'in lima husi Repúblika Koreia, Membru Batallaun Sul-Koreanu ROKBATT VII, ne’ebé mate iha Timor-Leste, iha loron 23 fulan-outubru tinan 2003”, Fidelis hateten iha palasiu governu, Sesta (13/11).
Fidelis hateten, atribuisaun medulla méritu ne’e hodi rekoñese no agradese militár na’in lima ne’e ninia kontribuisaun signikativu ba pás no estabilidade iha TL.
Nia afirma, militár na'in lima husi Repúblika Koreia ne'e lakon sira nia vida iha oekusi tinan 2003 liu-ba.
"Sira ne'e hetan rekoñesimentu husi estadu Timor-Leste, ne'ebé proposta ne'e ohin aprova ona husi Konsellu Ministru", nia akresenta. (*)
PUBLISIDADE
