Ministru Asuntu Kombatente Libertasaun Nasionál , Júlio Sarmemnto da Costa "Meta-Malik" esplika, iha orsamentu tinan 2020, sira fó atribuisaun uma 60 ba veteranu sira ne'ebé ho nia grau luta durante tinan 20 to’o 24.
"Depois 2021 sei iha tan 40 ida hanesan ne'e, 2022 halo tan 17, tanba volume totál veteranu 20-24 ne'e hamutuk ema na’in 117", Meta-Malik hateten lia-hirak ne'e ba jornalísta sira iha PN, Sesta (13/11).
Kona-ba planu seluk tan, nia seidauk bele relata hotu, maibé depois mak akompaña katak, OJE 2021 ne'ebé atu diskute iha tempu tuir mai.
"Depois mak imi (jornalísta) sei hatene katak, veteranu halo saida-saida", nia hateten.
Vetaranu ne’e mós fó hanoin katak, atribuisaun uma ba veteranu hirak ne’e, MAKLN la harii uma direta ba sira, maibé sei fó de'it osan, maibé, ekipa sei halo kontrolu nune’e tenke halo duni.
Antes ne'e, iha ema balun kontaktu ba nia dehan atu halo uma veteranu sira, prefere fó liuhosi projetu.
"Sé rihun $40 liuhusi projetu, imi han hira, osan ne'e veteranus hetan hira. Tanba ne'e maka ami lakohi buat ne'e liuhusi ne'eba, mais ami espésie de atribuisaun ida ba kada familia, mezmu sira balu mate", nia hateten.
Entretantu, veteranu sira ne’ebé mate ona mak hanesan, Samba-Sembilan, Koli Lemorai, Renan Selak, noseluk tan, governu tenke halo hela ba sira nia kaben ho oan sira. (*)
PUBLISIDADE