Login to your account

Username *
Password *
Remember Me

Telkomcel mak “Manan” atu Fornese Internet ba Governu

Ministru Transporte no Komunikasaun (MTK), José Agustinho da Silva  ko'alia ba Jornalista sira iha Palasiu Governu, Tersa (10/11) Ministru Transporte no Komunikasaun (MTK), José Agustinho da Silva ko'alia ba Jornalista sira iha Palasiu Governu, Tersa (10/11) Foto Tempo Timor

Tempotimor (Dili)- Kompañia telekomunikasaun telkomcel husi Indonézia mak sai manan na’in (vensedór) atu fornese liña internet ba governu, hafoin partisipa iha konkursu públiku ne’ebé loke husi Ministériu Transporte no Komunikasaun (MTK).

Ministru Transporte no Komunikasaun (MTK), José Agustinho da Silva esklarese, loke konkursu, tanba operadór ne'ebé, antes ne'e fornese internet ba governu kontratu remata ona iha loron 31 fulan outubru tinan 2020.

"Ohin audiénsia ho Primeiru Ministru atu relata progresu servisu balun ne'ebé durante Ministériu Transporte no Komunikasaun hala'o. Primeiru pontu oinsa ita asegura rede telkomunikasaun liu-liu periudu ezekusaun orsamentu, ita nia rede tenke aseguradu", José hateten ba jornalista hafoin hasoru-malu ho Primeiru Ministru Taur Matan Ruak iha palasiu governu, Tersa (10/11).

Tuir nia, iha rede internet free valance tenke funsiona normál ho speed rede ne'ebé mak kualidade.

"Anteriormente ita nia rede internet ne'e asegura husi kompañia website média, eh kontratu expire ona iha foin lalais dia 31 outubru", nia hateten.

Nune'e, Ministériu Transporte Komunikasaun tenke iha alternativa oinsa atu rede ne'e aseguradu, entaun realiza konkursu ida ne'ebé operadores telekomunikasaun sira partisipa, no ikus mai nia rezultadu kompañia telkomcel mak sai vensedór.

"Rede internet agora aseguradu husi kompañia telkomcel, hodi fasilita ita nia funsionamentu ezekusaun orsamentu durante tinan 2020 nia rohan", nia hakotu

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter