Login to your account

Username *
Password *
Remember Me

Xanana Prontu Defende Eis Padre Ne'ebe Alega Komete Pedofilia

Eis Prezidente da Republika, Kay Rala Xanana Gusmao sai husi TDD hafoin fo testamunia hodi defende CJP iha semana kotuk Eis Prezidente da Republika, Kay Rala Xanana Gusmao sai husi TDD hafoin fo testamunia hodi defende CJP iha semana kotuk Foto Tempo Timor

Tempotimor (Dili)- Eis Prezidente Repúblika, Kay Rala Xanana Gusmão deklara prontu atu defende eis Padre RD ne’ebé akuzadu komete abuzu seksuál ka pedofilia no pornografia hasoru minor idade iha Topu Honis Kutete Rejiaun Administrativa Espesiál Oekusi Ambenu (RAEOA).

Xanana deklara asuntu ne’e hafoin observa direta fatin akontesimentu kazu aldeia Terra-Santa Raikotu suku Madohi, postu administrativu Don Aleixo, munisípiu Dili.

“Sai sasin ba iha problema ida iha Topu Honis. Ne’e mos ha’u dehan ona ba Tribunál katak, se amu ne’e mak sala, hau primeiru ne’ebé mak kondena. Maibé, se amu ne’e la sala, ha’u mak primeiru atu defende nia tanba hare iha ne’ebá kahur buat barak tebetebes iha ne’ebá”, Xanana hateten.

Entretantu, eis Prezidente Repúblika no lider nasionál, Kay Rala Xanana Gusmão antes ne’e tenke tuur iha kadeira justisa nian iha Tribunál Distritál Dili, hodi fó sasin ba prosesu providénsia kautelár kona-ba publikasaun relatóriu Komisaun Justísa no Paz (KFJ) Arkedioseze Díli.

Xanana fó sasin ba notifikasaun kazu ne’ebé rejistadu ho NUC 0278/20 CV/ TDD, aprezenta husi JU,S Juridico Social Consultoria ba Ministériu Públiku iha loron 29 Setembru 2020 ho karatér urjénsia ne’ebé arsebispu Don Virgilio do Carmo da Silva, no Padre Herminio de Fátima Gonçalves (Eis Prezidente Komisaun Justisa no Paz) hodi hatan kona-ba relatóriu komisaun nian ne’ebé espalla iha média sosiál faceebok.

Xanana Gusmão deklara iha sala audiénsia katak, konteúdu husi relatóriu ne’e rasik haktuir kona-ba kazu ne’ebé antes ne’e akontese iha uma mahon Topu Honis, maibé relatóriu ne’e rasik konfidensiál no la’ós sai konsumu públiku.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter