Iha serimónia handover ne’e, Hewitt hatete, nia parte sente kontente tanba bele apoiu fasilidade ne'e ba PNTL.
"Ohin loron importante tebes ba PNTL ho Nova Zelandia, tanba ita bele entrega sasan sira hanesan kareta ha'at, inklui edifísiu Programa Apoiu Polisiamentu Komunitáriu Timor-Leste (PAPK-TL) ba PNTL," dehan embaixadór ne'e iha Komandu Jerál PNTL Kaikoli, Kinta (1/10).
Nia dehan, ekipamentu ne'ebé Nova Zelandia ajuda ba PNTL bele apoiu servisu Polisiamentu Komunitáriu hodi hakbesik liu tan ba komunldade sira.
Iha fatin hanesan, Komandante Jerál PNTL Komisáriu Faustino da Costa agradese ba governu Nova Zelandia, tanba apoiu ona fasilidade ba PNTL, liu-liu ba Ofisial Polisiamentu Komunitariu atu oinsa hakbesik liu tan ba komunidade.
Iha fatin hanesan, Komandante Departementu Polisiamentu Komunitáriu Nasional (DPKN) superentendente asistente Helena das Dorres hatete, apoiu transporte ne'e sei fasilita di’ak liu tan servisu OPS nian.
"Husi apoiu ida ne'e, ami orgullu tebes, tanba bele fasilita ona ami atu servisu ne'e di'ak liu tan ba futuru," dehan Helena.
Entretantu kareta ne'ebé apoiu husi governu Nova Zelandia ne'e sei distribui ba munisípiu sira ne'ebé sei presiza transporte.