Login to your account

Username *
Password *
Remember Me

PM Taur Orgullu, Diferensiasia Politiku Rezolve ho Dame

Plenaria PN debate OJE 2020 (1/10) Plenaria PN debate OJE 2020 (1/10) Foto Midia PM

Tempotimor (Dili)-Maske Timor-Leste iha politika ne'ebé diferensiasia, maibé ninia lideransa sira kontinua buka solusaun hodi rezolve liu husi dalan ne’ebé di’ak, tanba ho objetivu ida de'it ba nasaun ne’e ninia di’ak.

Primeiru Ministru Taur Matan Ruak hatete, maske durante ne’e iha opiniaun politiku ne'ebé la hanesan, maibé objetivu mak atu transforma Timor-leste sai nasaun justu no dezenvolvevidu.

"Ita hotu, nu’udar nasaun, bele sente orgullu, tanba ita-nia diferensa polítika oin-oin ita rezolve ho dame, maibé, naturalmente, katak, husi natureza polítika nian ne’e rasik, mak ita iha hanoin la hanesan. Ne’e maka forma oinsá ita diskute, ho respeitu, no partilla ita-nia mehi ne’ebé boot tebes atu transforma Timor-Leste sai país ida ne’ebé justu, modernu, ekuitativu, prósperu no dezenvolvidu liután, ho rendimentu médiu-aas", Tuir komunikadu imprensa husi Primeiru Ministru Taur nian ne'ebé halo diskursu iha aprezentasaun proposta OJE 2020 iha PN, kinta (01/10).

Tuir PM, País ida-ne’ebé haree liubá ema sira, ne’ebé hatuur ema nia dignidade iha sentru dezenvolvimentu nian, hodi fó kondisaun moris-di’ak sosiál no ekonómiku, asesu ba saúde, edukasaun, abitasaun, eletrisidade, bee no saneamentu báziku, ne’ebé nesesáriu atu kria oportunidade konkreta no reál ba realizasaun familiár, profisionál no edukativa ita-nia sidadaun sira-nian.

"Kondisaun no biban hirak ne’ebé ita hotu rekoñese hanesan buat ne’ebé nesesáriu no esensiál atu kumpre promesa oin-oin ne’ebé governu hotu-hotu repete ona durante tinan sanulu-resin-ualu nia laran atu halakon hamlaha, hamenus moris-kiak, kria empregu dignu no husik hela, hanesan liman-rohan ida ba ita-nia jerasaun foun sira, País ida-ne’ebé prósperu, pasífiku, tolerante, inkluzivu, sensivel ba kestaun jéneru no, maske preokupa ho ninia sidadaun sira-nia moris haksolok, la haluha no la husik hela ita-nia maluk ida ba kotuk", tenik iha komunikadu ne'e

Xefe ezekutivu ne'e akresenta, entendimentu amplu no luan ida-ne’e ita hetan iha trimestre dahuluk tinan ida-ne’e nian, ho intervensaun husi Sua Exelénsia Prezidente Repúblika, ba ida-ne’ebé ita agradese tebes, no ho kolaborasaun husi partidu oin-oin, órgaun soberania sira no forsa viva sira ne’ebé integra ita-nia sosiedade sivíl ne’ebé dinámika. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter