Sekretaria Jeral Parlamentu Nasional, Cedelizia Faria dos Santos hatete, dadaun husi sira desidi preve ona tokon US$ 3 iha proposta privativu Orsamentu Jeral Estadu (OJE) 2021.
Husi total orsamentu ne'e, nia dehan, sei tau prioridade liu ba halo estudu viabilidade, dezenamentu, no Bill of Quantity (BoQ), inklui servisu preleminariu sira hanesan eletrisidade no loke estrada.
“Ita la'os atu halo konstrusaun tomak ona, maibe tokon US$ 3 ne'e ami preve de’it ba halo estudu," dehan nia, iha Parlamentu Nasional (PN), Kuarta (30/9).
Maibe kona-ba orsamentu lolos ba konstrusaun edifisiu PN ne'e, nia hatutan, Parlamentu sei preve iha proposta OJE 2022.
