Horta: Xanana Nia Luta La’os Koñesidu de’it iha TL mais iha Mundu

Lider karismEis-Prezidente Republika (2007-2012) José Ramos Horta hato'o hela diskursu ba komunidade sira  iha suku Fahi-Nehan, postu Fatuberlihu, Munisípiu Manufahi wainhira vizita ba Fatin refere hamutuk ho eis Prezidente da Republika (2002-2007) no Primeiru Ministru 2007-2015), Kay Rala Xanana Gusmao halo asaun karidade ba komunidade sira iha fatin ne'eba, kinta (24/09). Lider karismEis-Prezidente Republika (2007-2012) José Ramos Horta hato'o hela diskursu ba komunidade sira iha suku Fahi-Nehan, postu Fatuberlihu, Munisípiu Manufahi wainhira vizita ba Fatin refere hamutuk ho eis Prezidente da Republika (2002-2007) no Primeiru Ministru 2007-2015), Kay Rala Xanana Gusmao halo asaun karidade ba komunidade sira iha fatin ne'eba, kinta (24/09). Foto Tempo Timor

Tempotimor (Manufahi)- Eis Prezidente Republika José Ramos Horta hatete, Eis Komadante ein Xefe Falintil, Kay Rala Xanana Gusmão nia luta mundu hotu koñese, la'os Timor-Leste de'it.

Premiadu Nobel ba Paz ne'e mos dehan, Lider karismatiku Kay Rala Xanana Gusmão nia luta la'os bai-bain.

"Sira nia fatin iha luta boot liu fali titulu ofisial ne'ebe ema hotu hetan iha mundu. Nia papel iha istoria luta la'os baibain, Maun Xanana nia naran boot tebes, la'os de'it iha rai laran, maibé iha mos mundu,"dehan Horta iha ninia diskursu hafoin prezensa ba komunidade Suku Fahi-Nehan, postu Fatuberlihu, Munisípiu Manufahi, kinta (24/09).

Eis-Ministru Negósiu Estranjeiru ne'e hatutan, Lider Nasionál Kay Rala Xanana Gusmão mak salva povu Timor-leste to'o ukun rasik an.

"Nia (Xanana) mak salva ita husi dezastre boot durante luta no too referendum no nia mak konsege lidera funu to'o ukun rasik an,"tenik Horta

Alende ne'e, Horta mos afirma, Aman ba nasaun Timor-leste, Kay Rala Xanana Gusmão mak luta to'o manan fronteira maritima.

"Nia mak luta to'o manan fronteira ho Australia. Hau admira ho nia, prosesu nee Susar tebes maibé nia konsege hatudu duni ba mundu katak Timor Leste bele duni," Laureadu Novel ba Paz akresenta.

Rate this item
(3 votes)
Last modified on Thursday, 24 September 2020 15:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.