Governu Sei Kria Aeroportu Rejionál iha TL

Ministru Transporte no Komunikasaun (MTK) José Agostinho da Silva ko'alia ba jornalista sira kona-ba futuru Aeroportu rejionál iha Timor-Leste. Kuarta (16/9). Ministru Transporte no Komunikasaun (MTK) José Agostinho da Silva ko'alia ba jornalista sira kona-ba futuru Aeroportu rejionál iha Timor-Leste. Kuarta (16/9). Foto Tempo Timor

Tempotimor (Dili)-Relasiona ho kondisaun Aeroportu Baukau nian oras ne'e Governu iha ona planu atu hadi'a, nune'e iha mós planu harii aeroportu rejionál hodi kompleta konstrusaun balun ne'ebé iha ona.

Aeroportu ne'ebé konstrui ona maka Aeroportu Komandante Em Chefe das FALINTIL, Kay Rala Xanana Gusmão-Suai, Rota do Sândalo-Oekusi no karik iha futuru iha mós aeroportu rejionál sira seluk.

Ministru Transporte no Komunikasaun (MTK), José Agustinho, bainhira iha posibilidade bele hadi'a fali aeroportu, nune'e bele fasilita movimentu aviaun iha doméstika ninian. Ida ne'e hanesan mós fonte rendimentu iha aeroportu ida nia laran, kuandu movimentu ne'e la'o di'ak fonte reseita ne'e barak bele rekolla ba kofre Estadu.

"Governu iha planu oinsá atu hadi'a kondisaun aeroportu sira no karik iha futuru sei iha mós aeroportu rejionál, nune'e bele fasilita movimentu aviaun iha doméstika ninian", dehan José, hafoin reuniaun Konsellu Ministru, iha Palásiu Governu, Kuarta (16/09).

Nia heteten, bainhira Aeroportu Dili no sira seluk iha difikuldade bele fasilita aviaun ne'e landing. Situasaun sira hanesan ne'e akontese iha pasadu bainhira iha aviaun boot ne'ebé mak labele akomoda aeroportu internasiónal Nicolau Lobato, entaun bele ba landing iha ne'ebá.

"Ita-nia aeroportu iha Dili ninia kondisaun pista ne'e iha kilometru 1.8, tantu ida ne'e se karik aviaun ho kapasidade boot sira ne'ebé tun ne'e risku", tenik nia.

José hatutan, antesipa buat sira ne'e labele akontese, entaun infrastrutura aeroportu sira ne'e tenke tau atensaun. Kona-ba aeroportu Baukau nian, Ministériu Transporte no Komunikasaun (MTK) hamutuk ho ministériu relevante sira halo ona reuniaun dala 3 hodi halo preparativus hodi konkretiza planu ne'e.

"Modelu no tipu ne'e oinsá ne'e tékniku sira mak regula no planu ne'e la'o hela, orsamentu seidauk prevé", dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.