MPM: CNRT Mak Politiza Fronteira Maritima

Ministru Petroleum no Minerais (MPM) Victor da Conceição Soares ko'alia hela hela ho jornalista sira, ohin (16/9). Ministru Petroleum no Minerais (MPM) Victor da Conceição Soares ko'alia hela hela ho jornalista sira, ohin (16/9). Foto Tempo Timor

Tempotimor (Dili)- Ministru Petrolíu no Minarais (MPM) Vitor da Conceicao Soares konsidera partidu CNRT ne'ebé lidera husi Xanana Gusmão mak durante ne'e politiza asuntu Fronteira Maritima.

Nia dehan, CNRT mak politiza asuntu Fronteira Maritima, tanba iha tempu governasaun liu-ba povu, estadu no governu Timor-leste hotu esforsu fo apoiu no obriga governu Australia aseita delimitasaun fronteira, maibé kuandu asina tiha tratadu refere, dehan CNRT mak manan fali.

"Ema balun deskonfia Ministru politiza fali asuntu Fronteira Maritima, tanba halo mudansa ba estrutura ANPM ho Timor-Gap? Politiza ne'e haree husi parte ne'ebé, hatudu tok politiza husi parte ne'ebé, hau hanoin Fretilín la politiza, buat ne'ebé estadu nian, Estadu nian, partidu nian, partidu nian ne'ebé ita lalika kahur sasan",dehan MPM hafoin reuniaun Konsellu Ministru iha palasiu governu, kuarta (16/09).

Ministru ne'e esplika, politiza ne'e, so patrimoniu estadu nian, uza fali ba intrese partidu ida ne'e mak politiza.

"Imi haree governu uluk tratadu tasi timor asina ne'e povu governu estadu Timor-leste gasta milloes hodi ema no partidu hotu-hotu ninia esforsu ate ita nia amigu nasoes barak fo apoiu fo presaun ba Australia hodi obriga Australia aseita delimitasaun fronteira, mais kuandu asina tiha fila-fali mai dehan CNRT mak manan no CNRT nian, la'os estadu Timor nian, ida ne'e mak politiza buat ne'ebé estadu nian ba fali partidu, maibé agora lae," Nia haktuir.

Nia akresenta, Planu no programa dadaun Ministériu Petrolíu no Minarais (MPM) halo ne'e mandatu konstituisional, Konstituisaun Lei organika mak haruka halo nune'e la politiza.

"Buat ne'ebé halo ne'e mandatu konstituisional, Konstituisaun Lei organika haruka halo ne'e ita halo, ne'ebé la politiza," dehan nia.

Antes ne'e, Prezidente partidu CNRT Kay Rala Xanana Gusmão husu Ministru Petrolíu no Minarais (MPM) Victor Concencao Soares labele politiza asuntu projetu tasi mane.(*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.