Ministru Prezidensia Konsellu Ministru Fidelis Leite Magalhães esplika, presiza estende tan EE, tanba haree ba evolusaun husi situasaun epidemiolojika no profiferasaun kazu kontajiu Covid-19 nian ne'ebé rejísta ona hamosu preokupasaun makaas, tantu iha nivel rejional no mundial.
"Ho hanoin atu evita no neutraliza risku hada'et nian husi SARS-CoV-2, nune'e bele proteje saúde publiku no kapasidade resposta husi sistema nasional saúde nian," dehan Fidelis liu husi konferensia imprensa hafoin reuniaun Konsellu Ministru iha palasiu governu, Kuarta (26/08).
Nune'e, nia dehan, governu propoin ba Prezidente Republika atu halo estensaun ba EE hodi bele permite suspensaun ka restrisaun ba direitu atu halo sirkulasaun internasional, direitu atu halo sirkulasaun no direitu ba fiksasaun rezidensia no direitu rezistensia nian.