Alterasaun ba Dekretu Lei númeru 8/2019 loron 24 Fulan Abril, ne'ebé hetan ona aprovasaun husi Konsellu Ministru ne'e, aprezenta husi Ministru Obras Publika (MOP) Salvador Soares dos Reis Pires.
"Konsellu Ministru ohin aprova dekretu Lei ida ne'ebé mak altera sira-nia organika, nune'e organika MOP nian altera tiha ona atu akomoda modelu organizasaun ne'ebé diak liu tan par bele fasilita sira-nia serbisu," dehan Ministru Prezidensial Konsellu Ministru Fidelis Leite Magalhães hafoin reuniaun Konsellu Ministru iha palasiu governu, Kuarta (12/08).
Molok nee, Vise Ministru Obras Públika Nicolau Lino Freitas, hato'o ba Primeiru Ministru, Taur Matan Ruak, kona-ba lei organika neebé la atribui kompeténsia ba nia.
Tuir nia, Lei Orgániku VIlI Governu fó kompeténsia hotu-hotu ba Ministru Obras Públika (MOP), Salvador Pires.
"Até adata ha'u-nia kompeténsia mak halai liu ba inspesaun auditória de'it. Diresaun hotu-hotu halai direita ba ministru," dehan Nicolau.