Login to your account

Username *
Password *
Remember Me

MAPKomS: Ha'u Mai Atu Haree no Rona Hodi Foti Desizaun Di'ak Ba Média

MAPKomS Francisco Jerónimo MAPKomS Francisco Jerónimo Foto facebook

Tempotimor (Dili)-Relasiona ho programa Ministru Asuntu Parlamentár no Komunikasaun Sosiál (MAPKomS) tama-sai média iha Timor ho objetivu atu haree no rona média nia preokupasaun atu bele foti desizaun ne'ebé di'ak ba média iha futuru.

Bazeia ba vizita kortezia ne'e Ministru Francisco Pereira Jerónimo hateten, atu konfirma ba media sira hotu hodi koopera fó solusaun di'ak ba ezisténsia média iha TL.

"Ha'u-nia knaar loloos atu rona no haree hodi foti desizaun ne'ebé di'ak ba parte hotu", dehan Ministru Francisco, bainhira halo vizita kortezia ba Radio Loriko Lian, Faról, Kuarta (12/8).

Governante ne'e dehan, la rona no la haree orsida foti desizaun tuir gostu de'it, nune'e iha kraik la sente nesidade. Tanba ne'e, nia asume funsaun ne'e atu la'o para foti desizaun ne'ebé favoravel ba parte hotu.

"Relasaun ho radio no média online ami la husu ita-boot sira atu hakerek tuir fali ami-nia hakarak, maibé saida de'it mak ita hatun iha média tenke fó informasaun ne'ebé loos ba públiku katak ema rona ne'e mak akontese duni no fó informasaun ne'ebé real no kredibilidade", tenik nia.

Iha fatin hanesan, Diretór Radio Loriku Lian, Prezado Ximenes hateten, radio ne'e harii husi inisiativa Renetil ho objetivu prinsipál atu hatutan misaun boot Renetil oinsá atu liberta pátria no liberta povu.

Nia hatutan, iha tinan sanulu sira servisu foka liu ba oinsá radiu ne'e bele sai hanesan lian husi sosiedade urbana, sosiedade iha Dili no bele reprezentante lian sosiedade urbana.

"Ami servisu tanba voluntariu mai husi joventude sira ne'ebé eskola universitariu, balun ne'ebé foin akaba iha eskola sekundariu", tenik nia.

Prezado esplika, programa sira ne'ebé durante ne'e sira kria iha relasaun ho sosiedade urbana, hanesan saúde públiku, meiu ambiente, no seguransa.

Radio Loriku Lian alista ema hamutuk 40-resin ona, maibé mai ho voluntáriu hodi aprende.

"Ami mós halo koordenasaun ho ajénsia sira hodi hetan fundu ruma, maibe la'ós fundu permanente, projetu bele fulan rua ka tolu", dehan nia.

Durante ne'e, sira mós hasoru dezafiu barak liuliu kona-ba polítika balun finansiamentu ba pesoál sira ne'ebé servisu tanba barak liu voluntáriu. Nune'e, radiu ne'e mós sei hasoru limitasaun ba materiál servisu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter