Buka Ema Troka Xanana, Depende ba Nesesidade

Eis Xefe Negosiador Prinsipal, Kay Rala Xanana Gusmao wainhira fila husi estranjeiru simu husi ema liu rihun ida simu  hafoin TL ho Australia hetan akordu delimitasaun Fronteira Maritima iha Marsu 2018 Eis Xefe Negosiador Prinsipal, Kay Rala Xanana Gusmao wainhira fila husi estranjeiru simu husi ema liu rihun ida simu hafoin TL ho Australia hetan akordu delimitasaun Fronteira Maritima iha Marsu 2018 Foto File

Tempotimor (Dili)-Ministru Petroleu no Minerais Victor da Conceiçõ hatete, atu nomeia ema foun hodi troka Xanana Gusmão ba kargu Xefe Negosiadór Delimitasaun Fronteira Maritima, sei haree ba nesesidade serbisu.

Ministru ne’e hatete, atu nomeia figura ida troka Xanana depende ba tekniku sira bazeia ba nesesidade negosiasaun nian.

"Atu troka Xanana Gusmão, ha’u hanoin ne'e tenke haree ba nesesidade, iha ona ema ou lae depende ba nesesidade, orsida ita-nia Timor Gap ho parseiru ne'ebé serbisu hamutuk hala'o serbisu presiza ema atu halo negósiu, entaun depende tekniku sira mak hato'o mai governu par bele hili ema," dehan nia hafoin hasoru-malu ho Primeiru Ministru Taur Matan Ruak iha palasiu governu, Kinta (23/07).

Tuir nia, prosesu negosiasaun sei la'o hela, tanba situasaun Covid-19 mak paradu, maibé bainhira situasaun normal ona, sei kontinua nafatin.

Kona-ba negosiasaun Greater Sunrise, Victor hatete, fahe ba rezime rua, sorin 70 ka 80 pursentu Timor-Leste nian, no sorin 20 ka 30 pursentu Australia nian.

"Agora kestaun mak oinsa interese nasaun rua ne'e tau hamutuk par bele atu rezime ida de'it mak regula, ida ne'e mak tekniku sira sei para, seidauk halo negósiasaun, tanba situasaun Covid-19, maibé tekniku sira sei tuur hamutuk par deskute fali atu oinsa rezime rua ne'e halo sai ida de'it hodi regula sira halo dezenvolvimentu," nia esplika

Nia hatutan, kestaun ne'ebé dadaun sei iha prosesu mak negósiasaun serbisu tekniku iha projetu tasi mane.

"Projetu tasi mane tuir ha’u-nia hanoin ne'e kestaun teknika negósiu entre empreza Timor Gap ho empreza ne'ebé atu serbisu hamutuk. Purtantu, ne'e ha’u hanoin kuandu empreza rua ne'e sei iha konfiansa hamutuk atu serbisu hamutuk hanoin laiha problema."

Entertantu, Kay Rala Xanana Gusmão deside rezigna an husi kargu Xefe Negósiador Delimitasaun Fronteira Maritima iha 9 Juñu 2020.

Rate this item
(0 votes)
Last modified on Friday, 24 July 2020 06:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.