"Subsídiu ba povu kbit laek ne'e diak, maibé pagamentu ne'e injustu boot ida, tanba subsídiu ba funsionáriu ho saláriu kada fulan $500 dolar ho povu kbit laek sira ne'ebe laiha saláriu hanesan de'it ho montante $200 dolar", dehan Carmelita iha Parlamentu Nasionál, segunda (15/06).
Deputada ne'e dehan, ema ne'ebé ba fahe subsidiu mós kada loron hetan perdiam $40, entaun loron sanulu de'it hetan $400 kompara ho povu ne'ebé laiha liu vensimentu.
"At liu tan sira ba fahe subsidiu hetan boot liu fali médiku sira ne'ebé hetan subsidiu $25, F-FDTL ho PNTL $15 no Cleaner hetan de'it $5, injustisa boot", tenik nia.
Tanba ne'ebe reprezentante povu ne'e, husu governu atu halo esplikasaun klara no hatuur justisa ho lolos.