Khunto Ezije PM Ezonera Alexandrinho Husi SEPS

Tempotimor (Dili)-Partidu Kmanek Haburas Unidade Nasionál Timor Oan (Khunto) liuhusi nia bankada iha Parlamentu Nasionál (PN) husu ona ba Primeiru Ministru (PM) Taur Matan Ruak hodi ezonera atuál Sekretáriu Estadu Protesaun Sivíl (SEPS) Alexandrinho Xavier Araujo, tanba la loyal ona ba partidu Khunto.

"Lideransa Partidu Khunto hafoin halo avaliasaun ba configurasaun polítika atuál governu daualu nian no rona mós ejizénsia no rekomendasaun husi estrutura munisipál sira, hodi disidi atu halo mudansa no rotasaun ba membru governu balun husi P-KHUNTO inklui mós kargu SEPS ho razaun atu ref oirsa liután dezempeñu servisu no komitmentu polítiku atu apoiu governu nian mandatu to'o remata," dehan vise xefe bankada Khunto deputadu António Nobre iha salaun bankada Khunto nian iha PN, Tersa (26/05)

Husi deklarasaun ne'ebé iha maka bankada Khunto Husu ona ba Primeiru Ministru atu ezonera atuál Sekretáriu Estadu Protesaun Sivíl señor Alexandrinho Xavier Araujo.

"Partidu Khunto liuhusi nia bankada iha PN, husu ba sua eselénsia PM señor Taur Matan Ruak atu ezonera señor Alexandrinho Xavier Araujo husi nia kargu nu'udar Sekretáriu Estadu Protesaun Sivíl (SEPS) hodi bele troka fali ho kandidatu seluk ne’ebe Khunto prepara ona," dehan Nobre.

Entretantu partidu Khunto nia partisipasaun iha governu daualu, Khunto prienxe kargu Ministru tolu, kargu vise Ministru rua, nomós Sekretáriu Estadu rua.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(2 votes)
Last modified on Wednesday, 27 May 2020 14:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.