Tékniku PN Prepara Ona Meza Foun ba Plenária

Meza Prezidente Parlamentu Nasional ne'ebe baku rahun husi deputadu balun iha Paralemntu Nasional iha loron Tersa (19/5) Meza Prezidente Parlamentu Nasional ne'ebe baku rahun husi deputadu balun iha Paralemntu Nasional iha loron Tersa (19/5) Foto Arkivu

Tempotimor (Dili)- Sekretária Jerál Parlamentu Nasionál Cedelizia Faria dos Santos simu ona orden hodi instala meza ba Prezidente Parlamentu Nasionál (PPN) Aniceto Longunhos Guterres Lopes ho vise PPN na'in rua hodi lidera plenária iha semana oin.

Cedelizia informa, parte sekretariadu halo instalasaun ba meza, tanba sei iha plenaria iha Segunda (25/05) no Tersa (26/05).

"Plenária sema oin nian, ita-boot sira bele ba haree, fatin ne'ebé baibain governu mai tuur mak ita sei tau Prezidente PN no vise sira," dehan Cedelizia iha PN, Sesta (22/05).

Nia afirma, kona-ba partisipasaun governu nian, ekipa teknika setting iha parte kraik.

"Fatin ba governu tekniku sira setting fali iha kraik, tau kadeira meza kompleitu par se karik governu mai partisipa iha plenária bele mai uza fatin iha kraik," dehan Cedelizia.

Iha preparasaun hetan observasaun direta husi Prezidente Parlamentu Nasionál Aniceto Guterres.

Hafoin halo observasaun ba serbisu tékniku nian, PPN mós halo kedas observasaun ba gabinete PPN ne'ebé durante prezidente PN sesante Arão Noé uza.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.