Arão Hakarak Lú Olo Disolve PN, PLP : “O Haan Tiha” EE Ne’e Ba

Plenaria Parlamentu Nasional Plenaria Parlamentu Nasional Foto arkivu

Tempotimor (Dili)— Prezidente Parlamentu Nasionál, Arão Noé hakarak Prezidente Repúblika, Francisco Guterres “Lú Olo” disolve ona Parlamentu Nasionál, maibé Vise-Xefe Bankada Partidu Libertasaun Populár (PLP), Francisco de Vasconcelos, dehan “o haan tiha” Estadu Emerjénsia (EE) ne’e ba.

Tanba Deputadu PLP ne’e argumenta, tuir Konstituisaun RDTL kuandu nasaun ida aplika Estadu Emerjénsia (EE) labele halo servisu seluk, sá tán Eleisaun Antesipada.

“O han tiha Estadu Emerjénsia ne’e ba, iha estadu emerjénsia ne’e iha artigu 6 órgaun soberania hanesan parlamentu labele hetan disolusaun no Konstituisaun RDTL hateten kuandu iha períodu Estadu Emerjénsia Prezidente-Repúblika sei labele disolve Parlamentu Nasionál. Nia ohin halo konferénsia ne’e hatudu la kompriende Konstituisaun”, Deputadu PLP ne’e informa ba jornalista sira, iha resintu Parlamentu Nasionál, kinta ne’e.

VIDEO PUBLISIDADE APELU HUSI PM TAUR APLAUS BA FRONT LINE

 

 

Vise-Xefe Bankada PLP ne’e konsidera argumentasaun Prezidente Parlamentu Nasionál, Arão Noé la razoavel tanba coronavirus ne’e halo ema barak mate iha mundu tanba ne’e Timor-Leste tenke aplika Estadu Emerjénsia.

“Nia (PPN) husu fali PR Lú Olo halo desolusaun ba Parlamentu Nasionál iha períodu Estadu Emerjénsia ne’e labele. Ami husu nia ajenda ona mosaun destituisaun ne’e labele halo argumentu oin-oin”, dehan nia.

“Sé nia la konsidera ona ami-nia pedidu destituisaun ne’e krime no abuzu podér, ita sei rezolve laiha problema, ninia argumentu ne’e falsu tanba pedidu desituisaun ne’e liutiha ona prazu loron ne’ebé ko’alia iha rejimentu. Di’akliu prezidente parlamentu mai organiza de’it ajenda nune’e ita rezolve problema”, nia fó hanoin ba PPN.

PUBLISIDADE 

 

Antes ne'e iha mos resintu Parlamentu Nasional, Prezidente PN ne'e dehan, prazu loron neen-nulu tuir KRDTL Artigu 86 (f) sura hosi loron 17 janeiru 2020 to’o 17 marsu 2020. Situasaun atuál hatudu katak iha ona loron 14 maiu 2020 laiha partidu ka koligasaun ne’ebe forma Governu Foun ka aprova Orsamentu Jeral Estadu tuir rekizitu Konstitusaun RDTL artigu 86 (f).

"Parlamentu Nasionál V Lejizlatura hein de’it dizolusaun hosi Sua Exelénsia Prezidente-Repúblika tuir Konstituisaun haruka. Bazeia ba pontu sira ne’ebé temi iha leten maka, há’u, Prezidente Parlamentu Nasional Konsidera katak Laiha Ona Dalan ba Deputadu sira atu rekere destituisaun ba Prezidente Parlamentu Nasional ao mezmu tempu laiha ona fatin ba plenária”, Arão Noé informa liuhosi Konferénsia Imprensa, iha Parlamentu Nasionál, kinta (14/5).

PUBLISIDADE 

Rate this item
(0 votes)
Last modified on Thursday, 14 May 2020 17:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.