Bankada FRETILIN, PLP no KHUNTO hamutuk hodi aprezenta rekerimentu destituisaun ba meza PN.
Prezidente Bankada FRETILIN, Aniceto Guterres hatete, nu’udar rekerente, bankada FRETILIN sei la hakiduk.
VIDEO PUBLISIDADE APELU HUSI PM TAUR APLAUS BA FRONT LINE
"Klaru ba iha Vise Prezidente dalan loos mak ne'e, i hein de’it semana oin saida mak atu akontese. Ami sei avansa nafatin, ami la hakiduk," dehan Aniceito iha Parlamentu Nasionál, Kinta (15/05).
Tuir nia, Prezidente PN mak kontra rejimentu PN tanba la ajenda rekerimentu ne’ebé bankada tolu aprezenta.
"Se nia (Prezidente PN) la hatan ona ami-nia reketementu rua uluk ne'e nusa mak ami tenke husu bebeik nia, nia viola ona rejimentu, prazu mós liu tiha ona, Ami sei hein nia?," dehan nia.
PUBLISIDADE
Molok ne’e, Prezidente PN Arão Noé de Jesus Amaral deklara laiha dalan ba Deputadu sira atu hato'o rekerimentu destituisauan ba meza PN.
"Ha’u, Prezidente Parlamentu Nasional, konsidera katak laiha ona dalan ba deputadu sira atu rekere destituisaun ba Prezidente Parlamentu Nasional ao mezmu tempu laiha ona fatin ba plenária," hatete nia.
PUBLISIDADE