Tuir informasaun ne’ebé www.tempotimor.com asesu, eis lideransa RAEOA ne’e foin fila husi Australia iha Kuarta (06/05), no fila kedan ba ninia hela fatin.

Sentru Integradu Jestaun Krize (SIJK) ne’ebé responsavel ba prevensaun Covid-19 mós laiha koñesimentu ba Arsenio Bano ninia prezensa.

Portavoz SIJK, Sergio Lobo hatete, nia parte seidauk hatene Arsenio Bano tama kuarentena obrigatoriu ka auto kuarentena.

VIDEO PUBLISIDADE APELU HUSI PM TAUR APLAUS BA FRONT LINE

"Ami sei verifika lai, ha'u seidauk hatene loloos, nia tama kuarentena ka auto kuarentena, maibé loloos ne'e hotu-hotu tenke ba kuarentena," dehan Lobo iha sala situasaun, Sentru Konvensaun Dili, Kuarta (06/05).

Lobo hatete, bainhira SIJK verifika mak fatin ne'ebé Arsenio hela prienxe criteria, laiha buat ida.

"Maibé ema prienxe hela iha auto kuarentena, entaun iha kondisaun espesiál balun bele hela iha auto kuarentena. Kondisaun ne'e mak hanesan nia hela iha kuartu mesak, laiha ema vulneravel mak hela hamutuk ho nia, nia bele mantein distansiamentu sosiál, nia bele observa ijiene pesoál, ne'e bele," dehan eis Ministru Saúde ne'e.

Maske nune’e, Portevoz SIJK ne’e hatete, dala-ruma iha ona protokulu ne'ebé atende molok Arsenio bano tama auto kuarentena.

"Mais jeralmente antes ne'e iha ona protokulu molok nia ba halo auto kuarentena, tanba ne'e mak tenke ba verifika lai nia hela fatin ne'e par haree prienxe kondisoens ka lae, depois mak pesoál saúde sira lorloron halo vizilánsia ba nia," dehan nia.

PUBLISIDADE