"Númeru ne'e di'ak liu, ha'u lalika temi númeru, orsida temi sala, deputadu sira hirus tan ha'u ona”, dehan nia iha Parlamentu Nasionál (PN), sesta (28/01).
Tanba reseita ne'ebé RAEOA kobre iha tinan 2020 nian tun maka’as, tanba kauza husi surtu covid-19, ne’ebé impede projetu boot rua, kona-ba estrada ba Oesíliu no Citrana, nomós impede transporte marítima no aero nian lala'o, ne’ebé kontinua ba fali 2021.
Iha 2020 hetan de'it reseita oituan tanba iha tempu covid-19, dala ruma ema mós aluga transporte marítima ho transporte Aero, hodi lori sasán tama ba Oekussi, entaum ida ne'e mak foin hetan reseita oituan husi ne'e.
"Tanba ne'e mak ita-nia reseita tun, mais nafatin iha oituan, tanba ha’u kuandu fó razaun dehan be reseita laiha, señor deputada sira dehan iha oituan, sim iha oituan tanba iha funsionamentu oituan mais labarak hanesan iha 2019”, esplika nia.
Iha tinan 2018 ho 2019 antes mosu covid-19 ne'e reseita RAEOA nian kobre kuaze millaun ba leten, tanba reseita sira ne'e hetan husi projetu boot sira ne’ebé la'o iha Oekussi.
Maibé, tinan 2022 ne’e, RAEOA foin hahú la'o fali ona, no hein katak tinan ne'e hanesan tinan estabilidade mós ba RAEOA, no Timor-Leste atubele haree aumenta filafali kobransa ba reseita sira ne'e. (*)