Advogadu AMP foun, Manuel Tilman hatete, pedidu ne’ebé deputadu na’in 18 hato’o ba TR ne’e tanba konsidera PR Lu Olo halo violasaun ba Konstituisaun RDTL.
"Deputadu sira mai husu Tribunal Rekursu atu apresia aktu Prezidente Repúblika nian ba membru governu na'in 9 ne'ebé la hetan pose," dehan Tilman iha edifisiu Tribunal Rekursu, Kaikoli, Tersa (05/05).
Tuir nia, ema na’in 9 ne’ebé la simu pose ne’e nu’udar sidadaun TL ne’ebé seidauk hetan prosesu tan ne’e sira iha direitu ba nomeiasaun politika.
“Ida ne'e la hetan fali ne'e, agora PR la justifika, tanba ida ne'e mak deputadu sira ezije par TR halo verifikasaun," dehan Tilman.
VIDEO PUBLISIDADE APELU HUSI PM TAUR APLAUS BA FRONT LINE
Kona-ba prosesu hatama pedidu ba TR hodi kontra Prezidente Repúblika, Tilman esplika, prosesu dahuluk ne’ebé halo presiza de’it 1/5 deputadu, la presiza to’o 2/3 deputadu.
"Karik TR konsidera PR viola duni konstituisaun RDTL sei hakat fali ba buat ida impisme, tanba só ho ida ne'e mak tenke 2/3 iha PN, maibé prosesu ida agora la presiza 2/3 iha PN, maibé ami agora inisia prosesu mai TR husi 1/5 deputadu”.
Kona-ba aktu PR kontra K-RDTL, Tilman dehan, la’os de’it kona-ba la fó pose ba membru governu na’in 9 ne’e, maibé iha buat barak.
"Ida ne'e husu ba TR atu apresia aktu PR Lú-Olo nian, tanba aktu ne'e la'ós ida de'it, ne'ebé prezidente dehan ba estuda, estuda, ne'ebé kala asesór sira PR nian mós kala sei estuda hela," dehan Tilman.
Nia afirma, petisaun ba TR ne’e inisia husi deputadu 18 no bainhira hakat ba julgamentu mak foin presiza 2/3 husi total deputadu iha PN.
"Ami la'ós mai julga PR, maibé atu julga PR ne'e tenke 2/3 iha PN, entaun se TR konsidera iha aktu ruma ne'ebé viola konstituisaun, ami sei mai fali ho prosesu ida seluk, hodi hahú prosesu impisme ne'e, ami foin presiza 2/3 deputadu," nia dehan.
PUBLISIDADE
