Arão: Kumpre Regras Di'ak ba Ita Hotu

Prezidente Parlamentu Nasional Timor Leste, Arao Noe de Jesus Amaral Ko'alia ba jornalista iha okaziaun ruma kotuk Prezidente Parlamentu Nasional Timor Leste, Arao Noe de Jesus Amaral Ko'alia ba jornalista iha okaziaun ruma kotuk Foto File

Tempotimor (Dili)-Governu hasai ona regras estadu emerjensia ba prevensaun Covid-19, maibé to'o ohin komunidade balun seidauk kumpre.

Tan ne'e, Prezidente Parlamentu Nasionál Arão Noé de Jesus da Costa Amaral husu ba sidadaun Timor-Leste tomak atu kumpri regras ne'ebé estadu no governu aprova ona hodi estabelese iha estadu emerjénsia.

"Liu husi autorizasaun Parlamentu Nasionál (PN) nian, Prezidente Repúblika (PR) dekreta ona no governu mós kria ona dekretu ida, ne'ebé kumpre dadaun regras sira ne'e, lei haruka, tanba ne'e, ita husu mak sidadaun sira kumpri de'it," dehan Arão iha PN, Segunda (30/03/2020).

Prezidente PN ne'e mós dehan, bainhira sidadaun sira kumpre regras sei lori di'ak ba ita hotu.

"La'ós kumpre regras ne'e di'ak ba ema ida, maibé di'ak ba ita hotu nian, sidadaun ida-idak ninia isin lolon, tanba ida ne'e ita ko'alia kona-ba moras, la'ós ko'alia kona-ba funu," dehan Arão.

Bainhira sidadaun idaidak kumpre, nia espera, TL bele ultrapasa situasaun defisil ne'e.

"Tanba bainhira ita kumpre buat sira ne'e hotu, hein katak ita-nia nasaun Timor-Leste bele hakat liu situsaun ida ne'e," Arão espera.

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.