"Karta ne'e haruka ba para husu de'it dokumentu la'ós dehan husu Tribunál ninia opiniaun. Ne'e hatete klaru iha ne'ebá ka husu Tribunál para bele fo dokumentu sira hotu ne'ebé kona-ba koligasaun nian para Prezidente Repúblika atu estuda hamutuk ho dokumentu sira seluk," dehan Lú Olo, iha Sabuli Metinaro, Sesta (13/3).
Entertantu, Tribunál rasik hataan ona pedidu Prezidente Repúblika, Francisco Guterres Lú Olo, relasiona ho dokumentu partidu polítiku sira inklui koligasaun partidaria
"Tribunal haruka ona ba Prezidente Repúblika," dehan Prezidente Tribunál Rekursu, Deolindo dos Santos, iha Sabuli, Metinaru, Sesta (13/3).
Nia dehan, pedidu Prezidente Repúblika nian atu husu kopia dokumentu partidu polítiku seiza partidu ka koligasaun ne'ebé konkorre iha eleisaun 2018.
Antes ne'e, Deolindo dos Santos rasik kestiona pesoál balun ne'ebé fó sai karta husi Prezidente Repúblika ne'ebé viral iha média sosiál mezmu karta ne'e bele asesu husi públiku tomak bainhira halo pedidu asesu. (*)