Abilio Araujo: So Taur mak Rekoñese Ha'u Hanesan Fundadór

Abilio Araujo komprimente Primeiru Ministru Taur Matan Ruak iha Palasiu do Governu (24/2) Abilio Araujo komprimente Primeiru Ministru Taur Matan Ruak iha Palasiu do Governu (24/2) Foto Midia PM

Tempotimor (Dili)-Lider istoriku Abilio Araujo deklara katak iha Timor Leste só uniku lider ida de'it mak rekoñese nia hanesan fundadór movimentu libertasaun Timor Leste nian.

Lider ne'e, Abilio dehan, mak Prezidente Partidu Libertasaun Popular (PLP) no atual Primeiru Ministru Taur Matan Ruak.

"Ha'u mai dehan ba nia (PM Taur) katak iha Timor ne'e so nia de'it mak rekoñese ha'u hanesan fundadór, tanaba nia kondekora ha'u hanesan fundadór movimentu libertasaun, ne'ebé ha'u mai hanesan kualidade ida dehan ba nia tenke dialogu, ko'alia ba malu," dehan Abilio hafoin hasoru-malu ho PM Taur iha palasiu governu, Segunda (24/02).

Abilio esklarese, nia hasoru-malu ho PM Taur relasiona ho situasaun politika atual.

Tan ne'e, nia husu ba PM Taur atu buka tempu di'ak hodi hasoru-malu ho Kay Rala Xanana Gusmão.

".... Par ko'alia, tanba ho sira hotu mak lori rai ne'e ba ukun rasik aan, agora mós nafatin fo konfiansa ba sira".

Nia dehan, maske iha hahalok balun ne'ebé la konkorda malu no la kontente, maibé tenke buka malu hodi ko'alia ba malu nafatin.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com