Bazeia ba despaixu Primeiru Ministru 81/fulan-agostu tinan 2023, atribui mandatu ba Julião da Silva lidera Sekretáriu Estadu foun ne’e durante tinan lima.
“Sim, ha’u hanoin agora pontus rua mak tenke halo primeiru, dezenvolve polítika nasional ba tinan lima nian, segundu, urjentemente iha tempu badak nia laran haruka ekipa ida ba Portugál hodi rejistu Timoroan na’in hira mak atu fila, atu ita-bele ajuda sira sira fila tiha mai”, dehan Vise-MNEK, Julião da Silva iha Palasiu Governu, kuarta (08/02).
Nune’e, espera semana ida ka rua sei publika dokumentu nasional ba tinan lima atu ema bele hetan konsultan di’ak hodi bele hakerek polítika nasional ba tinan lima nian.
“Planu nasionál ne’e governu nian, ita hakerek hela tiha, atu mandatu mai liu-liu governu da-sia mai bele la’o tuir, tanba programa iha ona”, nia esklarese.
Tanba ne’e, Sekretáriu Estadu Exteriór foun, Julião da Silva sei utiliza provizoriu edifísiu komunindade lian Portugés Dili hodi hala’o servisu. (*)