Tanba lider husi partidu polítiku sira dadaun, hahú prepara aan liuhusi konsolidasaun ho programa oin-oin, hodi kandidatu partidu sira partisipa iha festa demokrasia ne'ebé sei akontese iha tempu besik.
"Primeiru ha'u agradese ba Governu, segundu ha'u rekomenda tanba tinan ida ne'e tinan eleisaun, sé de'it mak aban bainrua ka'er Governu kontinua nafatin programa benefísiu ba povu", dehan nia iha Vila Nova Baukau, Segunda (06/02).
Programa ne'ebé Oitavu Governu Konstituisionál liuhusi Ministeru Administrasaun Estatál (MAE) kria, hanesan PMOPA, povu sente ona nia benifísiu ne'ebé implementa iha nivél Suku tinan 2 tuituir malu.
Enkuantu durante tinan-2 (2021-2022) Autoridade Suku Abo hetan orsamentu husi programa PMOPA hamutuk rihun US$5-resin, hodi implementa atividade hanesan halo manutensaun ki'ik ba estrada sira iha nivél Suku, ne'ebé involve komunidade hamutuk na'in-85.
"Parte ida fó benefísiu ba sira, tanba bele rekupera ekonómia família, ne’ebé durante Covid fó impaktu ba sira nia rendimentu ekonómia", nia hatete
Entretantu Suku Abo iha Aldeia 4, hanesan, Adeia Abo Matebian, Daemena'a, Abolir inklui Kairedo, ho total populasaun hamutuk 2193, husi Xefe família 501. (*)