"Nune'e, Orsamentu ba Ministériu Asuntu Parlamentár no Komunikasaun Sosiál, pasa iha faze espesialidade," dehan Prezidente Parlamentu Nasionál (PPN), Aniceto Longuinhos Guterres Lopes, hafoin anúnsia rezultadu votasaun iha diskusaun no aprovasaun espesialidade ba proposta-lei OJE 2023 iha plenaria PN, segunda (14/11).
Orsamentu ho montante millaun US$8.7 ne'ebe aloka ba MAPKomS, sei utiliza ba Programa hamutuk rua.
Programa dahuluk, Garante Liberdade Expresaun no Asesu ba Informasaun prevee US$6,260.245 no daruak Programa Boa Governasaun no Jestaun Instituisional US$2,445.920.
Purtantu durante diskusaun no aprovasaun orsamentu ba MAPKomS, laiha deputadu ida hato'o proposta alterasaun atu hasai ka aumenta osan. (*)
