Login to your account

Username *
Password *
Remember Me

Komité 12 Novembru Deskonfia Diretor SEFOPE Prátika Abuzu Podér

Prezidente Komité 12 Novembru, Grigório Saldanha ho nia ekipa hala’o hela konferensia imprensa iha edifisiu 12 Novembru Balide, kuartu (28/09). Prezidente Komité 12 Novembru, Grigório Saldanha ho nia ekipa hala’o hela konferensia imprensa iha edifisiu 12 Novembru Balide, kuartu (28/09). Foto Tempo Timor

Tempotimor (Dili)-Prezidente Komité 12 Novembru, Grigório Saldanha deskonfia Sekretáriu Estadu Formasaun Profesional no Empregu (SEFOPE), liuhusi nia Diresaun Nasionál de Empregu Exterior (DNEE) prátika Abuzu Podér no halo manipulasaun iha Instituisun Estadu nian.

"Prátika abuzu podér hodi halo manipulasaun hanesan ne’e, akontese bebeik ona iha ita nia rain, no dalabarak halo ita nia povu sira ne’ebé laiha kbiit, no nonók ho pasiénsia simu de’it realidade, sai vítima bebeik", dehan prezidente Komité 12 Novembru Grigório Saldanha, iha edifisiu 12 Novembru Balide, kuartu (28/09).

Tanba, atende pedidu kompañia Connect Group husi Austrália atu haruka joven ba serbisu, SEPFOPE nia Direção Nacional de Emprego Exterior rekruta jovem na-in-13 hodi ba tuir teste ne’ebé hala’o ho dalan Online husi kompañia, nune’e rezultadu teste, joven na’in 6 maka manán atu ba serbisu iha área hortikultura iha Austrália.

"Maibé desgrasadamente, lista ema na’in 6 ne’ebé liu teste inklui joven Mariano Cohen da Silva, Veteranu Francisco Cohen husi Manatuto nia oan mane ne’e nia fatin, Sr. diretór SEPFOPE Becora halo manipulasaun hodi troka fali ho joven seluk ne’ebe laliu ka lakon iha teste", dehan nia.

Aktus sira ne'e, Komité 12 Novembru halo protestu hasoru abuzu poder no manipulasaun Diretór SEPFOPE, Filomeno Soares. 

Tanba ne’e, husu ba Sekretáriu Estadu Formasaun Profesional no Empregu (SEFOPE), no Komisaun Funsaun Públiku (KFP) atu foti sansaun hasoru Diretor Nasional Empregu Exterior ne'ebé deskonfia halo prátika abuzu poder iha SEFOPE.

"Husu ba señór Sekretáriu Estadu SEFOPE ho señór Prezidenti Komisaun Funsaun Públika atu foti sansaun todan ba prátika abuzu podér ho manipulasaun ne’ebé señór Diretór SEFOPE Becora halo dadaun ne’e, nune’e ba futuru labele repete tan ba ema seluk no labele hafoer governu atuál lideradu husi Sr. Primeiru Ministru, Taur Matan Ruak ho governu sira seluk ne’ebé tuir mai", nia husu

Husu mós ba Diretor Nasional Empregu Exterior atu hatama hikas traballador ne'ebé naran liu ona selesaun iha SEFOPE atu ba servisu iha hortikultura Austrália.

"Husu ba SEFOPE nia Diresaun Nasional de Empregu Exterior atu hatama fali joven Mariano Cohen da Silva nia naran ba lista kandidatu hodi ba serbisu iha área hortikultura iha Austrália, tamba ida ne’e nia direitu ne’ebé hetan liu husi manán teste, hala’o husi kompañia Connect Group Austrália", nia hakotu. (*)

 

 

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter