"Sua exelensia prezidente repúblika mos propoin atu husu ba Uniaun Europeia ninian atu bele mos lori ita-nia seitor privadu sira atu kompete ba iha merkadu internasionál," dehan Horta hafoin simu aprezentasaun karta kredensial husi Embaixadór Uniaun Europeia (UE), Mar Fiedrich iha palasiu prezidensial, Bairo Pite, sexta (16/09).

Tanba, ho mandatu foun ne'ebe Embaixador UE, Mar Fiedrich simu hodi substitui embaixdor, Andrew Jacobs ne'ebé sei termina nia mandatu iha tinan 2022 no sei servisu hodi kontinua apoiu Timor-Leste.

Karta Kredensial ne'e rasik, Prezidente Repúblika, José Ramos-Horta akompaña husi Vise Ministru Negósiu Estranjeiru no Kooperasaun (MNEK), Julião da Silva simu ona hodi hala'o mos enkontru bilateral ho xefe Misaun foun.

Durante iha enkontru, parte Xefe Estadu propoin atu kontinua apoiu TL nomos servisu hamutuk ho seitór privadu sira atu dezenvolve no hasa'e sira-nia kapasidade no koiñesimentu liliu prepara ba adezaun Timor-Leste nian ba ASEAN.

Husu mos promove Timor-Leste iha mundu, nomos apoiu Timor-Leste adere 100 pursentu sai membru ba Organizasaun Mundial Komersiu (OMK).

Purtantu Mandatu husi embaixador foun nian, normalmente tinan 3, maibe depende ba Uniaun Europeia atu estende. (*)