"Informa ba Prezidente Autoridade no lider lokál sira atu sosializa informasaun ne'ebé lolós ba komunidade sira kona-ba Programa Kampaña Imunizasaun Nasionál, nune’e komunidade bele komprende no labele interpreta sala kona-ba Programa Imunizasaun Nasionál ida-ne'e," dehan nia iha sala reuniaun Ministériu Saúde, kaikoli, sesta (16/09).
Tanba, kampaña Vasinasaun MR, bopv, Pcv, Vit A no Albendazol, iha ona faze reuniaun koordenasaun ne'ebé parte Ministériu Saude hala'o entre ho Ministru ba Asuntus Parlamentáres no komunikasaun sosiál nomós entidade sira seluk atu implementa iha territóriu nasionál no sei hahú iha fulan Outubru tinan 2022.
Ba kampaña vasinasaun refere, parte MAPKOMS rasik promete sei kanaliza mos informasaun hirak-ne'e bá Deputadu sira iha Parlamentu Nasionál. (*)