MKAE Ezekuta Ona Rihun $499 husi OJE 2019

Plenaria Parlamentu nasional Plenaria Parlamentu nasional Foto tempotimor.com

Tempotimo (Dili)- Ministru Koordenadór Asuntu Ekonomika (MKAE) interinu Fidelis Manuel Leite Magalhães informa, MKAE konsege ezekuta ona rihun $499 resin ka 66.9% husi total $902 iha Orsamentu Jerál Estadu (OJE) 2019 ne’ebé aloka ba.

Ministru Fidelis dehan, orsamentu husi MKAE ne'ebé tama ona iha sistema hamutuk $12.700 no parte obrigasaun rihun $109 no balansu iha rihun $302.

"Unidade MKAE nian hato'o ona mai ministru katak komesa husi Janeiru to'o Outubru 2019, pursentu ezekusaun 65.9% ho montante numériku $499 mil ital," dehan Ministru Fidelis bainhira hala'o audiénsia ho komisaun D Parlamentu Nasional (PN), Kuarta (06/11/19).

Husi total OJE 2019 ba MKAE, nia hatutan, hola parte mós iha ezekusaun ba fulan Novembru no Dezembru nian ne'ebé barak liu sei ba iha saláriu no vensimentu no bens i serbisu.

Entretantu, kona-ba ezekusaun husi Sekretariu Estadu Kooperasaun SEKoop), Sekretariu Estadu Ambiente (SEA), no Sekretariu Estadu Formasaun Profesional no Empregu (SEFOPE) ne’ebé tutela ba MKAE, ezekusaun hahú atinje pursentu 60 ba leten.

"Iha ezekusaun Orsamentu Jerál Estadu ba Sekretáriu Estadu Kooperativa nian iha ohin dader atinje ona 67.5%, ne'ebé mai husi totál OJE 2019 nian $3.7 millioens, iha kategória haat, hanesan saláriu no vensimentu, bens i serbisu, kapital menor no tranferensia públiku," dehan Sekretariu Estadu Kooperativa Arsenio Pereira.

Ba SEA, Sekretariu Estadu interinu Arsenio informa, husi total OJE 2019 ne’ebé aloka ba SEA ho valor millaun $1.3, ezekuta ona 69.7%.

Kona-ba ezekusaun SEFOPE, Sekretariu Estadu Julião da Silva informa, daudauk ne’e ezekusaun atinze ona porsentu 62.

"OJE 2019 ne'ebé aloka ba SEFOPE hamutuk $5.27.147. Husi totál OJE ne'e ezekuta ona 63%. Ami mós fiar katak maske ezekusaun ki'ik, maibé rezultadu serbisu bele konvense señor deputadu sira," dehan Julião.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com