Login to your account

Username *
Password *
Remember Me

Funsionáriu Públiku 87 Simu Posse ba Servi MPO

Ministériu Planu no Ordenamentu, José Reis, entrega hela karta ba Funsionariu foun. Ministériu Planu no Ordenamentu, José Reis, entrega hela karta ba Funsionariu foun. Foto Supplay

Tempotimor (Dili)-Funsionáriu foun hamutuk 87 simu posse nu’udar funsionáriu públiku atu servisu iha Ministériu Planu no Ordenamentu (MPO) hodi assume responsabilidade iha prosesu dezenvolvimentu nasionál.

Tuir informasaun ne’ebé www.tempotimor.com, asesu iha pájina MPO, domingu (31/07) katak, Ministériu Planu Ordenamentu nu’udar departamentu governamentál ida ne’ebé mak simu kna’ar importante tebes ba futuru Timor-Leste ninian, liuhusi dezenvolvimentu planeamentu estratéjiku nomós ordenamentu territoriál.

Ministériu Planu no Ordenamentu, José Reis esplika, iha ámbitu reforma Governu Konstitusionál daualu ne’ebé hala’o iha tinan rua, bainhira assume kna’ar nu’udar responsavel iha ministériu planu ordenamentu ne’ebé susede ministériu planeamentu Investimentu estratéjiku, tenta muda ministériu ne’e ba planu no ordenamentu, ho razaun atu prodúz instrumentu do planu hodi bele orienta atu hala’o dezenvolvimentu ida integradu ho sustentavel.

“Ministériu planu no ordenamentu Ministériu ida ne’ebé foun, bainhira ha’u asume ministériu ne’e, ha’u tama iha de’it funsionária 21 mak iha ne’e ba. Funsionáriu 21 ne’e mós laos espesífiku ba area ordenamentu, hau iha sitasaun dilmátiku, tanba asume de’it tinan rua (2) ho balun, maibé buka dalan atu halo destakamentu ka rekizitu de funsionária ka konkursu públiku, hafoin konsulta ho diretór, diretór jerál no legál sira hodi hari’i diresaun jerál ministériu planu ordenamentu ninian, no to’o ikus iha opiniaun katak presiza duni liuhusi konkursu públiku”, dehan nia.

Ho dalan ida-ne’e mak antes konkursu ne’e hala’o husu pedidu ba Primeiru Ministru, Taur Matan Ruak no iha koordenasaun ho Prezidente Funsaun Públika, Faustino Cardoso, hodi realiza konkursu públiku refere.

Tanba ne’e, MPO husu ba funsionáriu foun ne’ebé simu pose no halo juramentu la bele hela de’it ho leitura iha suratahan leten maibé tenke aplika iha ida-idak ninia asaun prátika loroloron to’o idade tinan 60 (neennulu) bainhira tama iha reforma.

Tuir estatutu funsaun públika artigu 18 fó dalan iha periodu ida provatóriu fulan 12, tanba ne’e husu ba funsionariu foun sira assume kna’ar ho responsabilidade, tenke luta atu hetan konfiansa, atu hetan konfiansa no fuar tenke luta.

MPO mís apresia ho esforsu tomak husi ekipa Juri MPO no KFP halo’a di’ak, mezmu prosesu rekrutamentu lori tempu naruk tanba hein mós aprovasaun orsamentál ba rekrutamentu ne’e rasik.

Ba rezultadu rekrutamentu hatudu partisipasaun feto kuaze 44%, husi totál funsionáriu foun ne’ebé simu pose hamutuk na’in-87, kompostu husi mane 49 no feto 38, rezultadu ne’e hatudu VIII Konstitusionál kumpre no implementa duni polítika abordajen Jéneru.

Iha Oprtunidade ne’e, Prezidente Komisaun Fuinsaun Públiku, Faustino Cardoso Gomes, fó parabéns no kongratula painel juri sira husi MPO no KFP ne’ebé realiza rekrutamentu ne’e to’o prosesu sira ne’e konklui.

Tanba KFP ninia partisipasaun ne’e hodi sai hanesan testamuña ba prosesu sira ne’e no ba oin kontinua servisu hamutuk iha ámbitu jestaun rekrusu umanu, inklui ba sira ingresadu foun 87.

Maibé husi kompozisaun vaga ne’ebé mak iha hamutuk 87 husi vaga refere iha 44% mak mai husi feto sira, siknifika feto mós destaka-an buka atu konkista, liga ho perspetivu jéneru no sira mós oinsá mobiliza-an la’o entre mane sira, apresia tebes, tanba iha Funsaun Públika ne’ebé haree ba parte ida pozitivu.

Nune’e husu ba funsionáriu sira atu servisu ho responsabilidade, profisional, haree hodi kumpri tuir deveres no direitu sira hodi bele servisu hamutuk ba buat ne’ebé importantísimu.

Ba ida-ne’e foin mak inisiu, tanba prosesu tuir mai sei todan no husu atu hala’o kna’ar ho di’ak tuir juramentu atu hala’o kna’ar lulik ida-ne’e no husu ba MPO atu prosesu ba kursu indusaun tuir mai.

Maibé mós apresia tebes ba prosesu konkursu pýblika ida-ne’e tanba konkursu Públiku ne’e méritu duni no se de’it mak iha kbi’it bele simu nu’udar funsaun públika.

Partisipa iha serimónia asinatura termu aseitasaun ne'e mak, Prezidente Komisaun Funsaun Públika ho komisáriu sira nomós ba Sekretariadu Funsaun Públika ninian, reverendu padre, Prezidente Autoridade Munisipál Dili (PAM), Diretór Jerál, Prezidente panel ka juri, Diretór Nasionál Ministériu Planu Ordenamentu, Xefe Gabinete MPO Diretór Ezekutivu ADN IP inklui família husi emposadu sira, iha salaun Lalini Larigutu CNE, Kolmera, Díli. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter