Login to your account

Username *
Password *
Remember Me

PR Horta Hala’o Enkontru ho Espoza Embaixadór Rezidente iha TL

Prezidente Repúblika (PR), José Ramos Horta,  foto hamutuk ho espoza husi embaixadór rezidente sira iha Timor-Leste. Prezidente Repúblika (PR), José Ramos Horta, foto hamutuk ho espoza husi embaixadór rezidente sira iha Timor-Leste. Foto Suplay

Tempotimor (Dili)-Prezidente Repúblika (PR), José Ramos Horta,  hala’o enkontru kortezia ho espoza husi embaixadór rezidente sira iha Timor-Leste, iha Palásiu Prezidensiál Nicolau Lobato.

Tuir informasaun ne’ebé www.tempotimor.com, asesu husi pájina José Ramos Horta, sábadu (16/07) katak, enkontru kortezia ne’e hala’o iha Salaun CPLP, Palásiu Prezidente Nicolau Lobato, ho objetivu atu entrega ba Prezidente Repúblika kuadru ida ne’ebé pinta no borda ho ai-funan husi kada nasaun ne’ebé iha misaun reprezentante iha Timor-Leste.

Tanba kuadru ne’e suku husi Señora Teresa, Timoroan ida ne’ebé iha limitasaun fízika (ema ho kondisaun defisiénsia).

Komitiva ne’e kompostu husi, Espoza Embaixadór Brazil, Espoza Embaixadór Uniaun Europeia (EU), Espoza Embaixadór Indonézia, Espoza Embaixadór Nova Zelándia, nomós Señora Tereza.

Iha vizita ida-ne’e, Prezidente Repúblika esplika oitoan kona-ba ninia vizaun ne’ebé liga ho polítika sosiál, iha ámbitu programa kombate mánutrisaun no pre-eskolár, nune’e mós programa “green canten” ka kantina verde hodi fó hahán bikan ida ba labarik sira, nomós apoiu nutrisaun ba inan isin-rua sira.

Tanba inisiativa ne’e hetan suporta maka’as husi United Nations International Children's Emergency Fund (UNICEF), nune’e mós husi parte Governu.

Prezidente Repúblika mós ko’alia kona-ba importánsia husi hafoun plantasaun kafé iha Timor-Leste laran, projetu ne’ebé hahú ona lansa iha Munisípiu Ermera ho partisipasaun Prezidente Repúblika, Primeiru Ministru no membru Governu sira.

Kona-ba estabelesimentu unidade ida hodi haforsa ekonomia feto, unidade ne’ebé hahú serbisu iha Palásiu Prezidensiál, hodi buka meius atu apoiu feto sira ne’ebé hasoru dezafiu ekonómiku sira, nune’e mós fó apoiu ba feto sira ne’ebe hakna’ar nu’udar “tiga roda” ho sustentabilidade.

Iha ámbitu atu finansia projetu ne’ebé atu implementa, sei halo esforsu hodi sira hetan finansiamentu husi doadór privadu sira husi Austrália no Alemaña.

Maibé, halo ezersísiu boot iha korte ba kustu deznesesáriu sira, hanesan per diem ba viajen iha rai laran no ba rai liur, redusaun no ko’a saláriu boot sira husi funsionáriu no Asesór Palásiu Prezidensiál sira, nomós ko’a iha sosa karreta operasionál. Osan sira ne’e mak sei uza hodi reforsa finansiamentu ba projetu hirak ne’e.

Vizita ne’e taka ho Prezidente Repúblika akompaña komitiva ba vizita estalasaun Jardin Infánsia ba atividade estrakurikulár iha Palásiu Prezidensiál, ne’ebé loke iha mandatu dahuluk, maibé hetan suspensaun husi susesór sira, dadaun reativa hikas iha ninia segundu mandatu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter