Asuntu rua ne’ebé Xefe Governu aprezenta hanesan Dezastre Naturál akontese iha Munisípiu Lautein-Lospalos, Vikeké, Manufahio, no Covalima, nune’e mós atividade Governu nian.
“Dadus Provizóriu ba vítima sira ita iha atus-hitu/atus-sia no família tolunulu-resin mak agora ne’e evakua maibé ne’e provizória de’it ita seidauk iha dadus finál, kontinua halo levantamentu para haree dalan saida mak bele apoia sira”, dehan PM Taur, iha Palásiu Prezidensiál, Aitarak-Laran, kinta, (07/07).
Tanba ne’e, Sekretáriu Estadu Protesaun sivíl iha Munisípiu atu halo levantamentu hodi haree lolos polusaun hirak mak afetadu para depois bele mobiliza rekursu ba apoia sira.
“Iha dalan rua ida mak apoia família sira ida seluk mak apoia ba oinsá mak halo reparasaun ba dadus fiziku sira, estrada nee’bé aat”, dehan nia.
Ba atividade Governu nian no inklui inisiativa Prezidente Repúblika, José Ramos Horta ne’ebé deside iha loron 09 fulan-jullu sei ba halo diálogo ho komunidade iha Ermera kona-ba kafé.
“Ha’u konvidadu mós ha’u promete ba sua eselénsia atu partisipa iha inisiativa ida-ne’e ho ministru sira balun para ko’alia ho komunidade no rona mós ho komunidade sira nia preokupasaun”, hatete Taur. (*)
