“Bankada KHUNTO hakarak husu ba deputadu hotu oinsá, ita kaer metin ba konstituisaun RDTL artigu 92 no rezolusaun Parlamentu Nasionál númeru 21/2021 18 agostu, ho nune'e mak hanesan deputadu husu ita hotu atu defende rezolusuan ne'ebé ita hotu aprova ho votu maiória, nune'e nafatin husu rai Kaikoli”, dehan Deputadu Bankada KHUNTO, António Verdial iha Plenária PN, tersa (05/07).
Bankada KHUNTO koo’alia ne'e rai Kaikoli ne'e di'ak liu ona, maibé laran luak no vontade polítika husi Governu konstituisionál daualu atu rai ne'e entrega ona ba Parlamentu Nasionál, hodi hatur edifísiu foun iha futuru.
“Karik ema kestiona kona-ba objetu ninia luan, ha'u atu hatete de'it katak kualitivamente bele garante di’ak liu duke sira seluk ne'ebé Governu hatudu”, afirma nia.
Tanba mandatu lejislativa dahaat iha V lejislatura ida-ne'e besik termina ona, nune'e husu Governu konstituisionál daualu atu aselera prosesamentu ba rai ne'ebé Parlamentu Nasionál hatudu no husu ho rezolusaun parlamentu nasionál. (*)