Xefi Governu kestiona lia hirak ne'e, atu hatán ba ezijensia ne'ebé Partidu KHUNTO ezije iha Parlamentu Nasionál.

"Ha'u ohin ko'alia hela ho señor Prezidente Repúblika (PR). Dalaruma, dalan laiha ita ba fali eleisoens de'it karik. Mas ba ha'u, husu Parlamentu Nasionál (PN) kontinua servisu hanesan baibain. Governu halo esforsu para atividade la'o," dehan Primeiru Ministru Taur Matan Ruak iha Palásiu Prezidensiál Bairro-pite, Tersa (22/10/19).

Nia afirma, bainhira povu hotu hakarak ba eleisaun, PM mós hakarak.

"Ha'u hanoin, se ita hotu hakarak ba fali eleisaun. Ha'u mós apoiu eleisaun. Ema hotu-hotu apoiu eleisaun. Ita ba fali eleisaun, laiha problema," dehan TMR. 

Taur dehan, ba PM di'ak de'it, bainhira ba eleisaun.

"Ba ha'u, di'ak de'it, ba fali eleisaun mós  bele," nia tenik.