“Mais sertu kee hadi’a nia fatin para kontrola, tanba se fakar lemo-lemo de'it, iha ne'e asu dada, fahi dada, ita tama, ninia implikasaun ne'e ba ita-nia saúde ne'e, ne'e mak bolu diária, colore, moras sira oioin de'it lalar sira lori sai tiha, tanba ne'e mak Governu iha polítika ida di'ak, iha ne'ebé de'it”, dehan nia iha PN, kuarta (29/06).

Tanba durante ne'e lixu iha Tibar nia implikasaun ne'e boot, lixu husi Dili laran ne'e ba fakar hotu iha ne'ebá, laiha kontrolu nune’e komunidare sira ba sobu, inklui animál mós ba dada lemo-lemo hodi fó ameasa ba ema nia Saúde.

Ho ida ne'e, Governu halo polítika liseiru ateru kontroladu katak sei halo ateru ida para lixu sira ne'ebé mak lori husi Dili ba fakar iha ne'ebá, bele iha kondisaun propriu para labele lekar.

Maibé husi politika Liseiru Ateru Kontroladu ne'e mós sei la taka dalan ba komunidade sira ne'ebé mak hakarak ba hetan buat ruma, ou besi rohan ruma iha ne'ebá. (*)