Tuir informasaun ne’ebé www.trmpotimor.com asesu iha pájina MAE, tersa (21/06) katak, Vise Ministru Lino hatete, objetivu husi enkontru ne'e hodi partilla no haklaken programa husi Oitavu Governu Konstitusionál (VIII) no programa Ministériu Administrasaun Estatál ne'ebé relasiona ho programa PNDS, UKL no UKL+, PDIM, PMOPA, PMOHA, Sesta Bázika, Pagamentu osan $200.00 ba kada uma-ka’in, subsídiu da Mãe no seluk tan. Ne'ebé Governu aprova ona liuhusi orsamentu ratifikativu 2022 atubele implementa iha suku no Postu Administrativu iha Hatolia B.
Iha enkontru refere marka prezensa husi fusionáriu Postu Administrativu Hatolia B, Komandante Polísia Nasionál Timor-Leste (PNTL) eskuadra Postu Administrativu Hatolia B, Lideransa Komunitáriu no Komunidade sira iha postu refere. (*)