Deputadu Bankada CNRT, Domingos Carvalho hatete, bainhira ba hakoi xefe Suku Tohumeta Mate, komunidade sira ho xefe aldeia sira levanta hela problema estrada iha Suku tolu.
“Dalan ida-ne’e mós dalan alternatinva ida ne’ebé husi Air Terjun ne’e hetan rai monu ruma labele liu tanba fatin mak ida-ne’e, ita labele liuhusi ne’eba. Ne’e husi suku tolu ninia dalan ne’e mós iha kedas uluk ne’e ema halo dalan karreta bele liuba liu mai soke klot, e husu atu nune’e bele loke tan dalan ne’e halo luan tan”, dehan deputadu Domingos iha Plenária Parlamentu Nasionál (PN), segunda (20/06).
Tanba ne’e dalan alternativa ida kuandu hetan difikuldade ruma bele liuhusi ne’eba, ba munisípiu Aileu, Same, Covalima, Ainaro.
“Ami sempre foti bebeik kona-ba problema ida estrada sarlala tun mai mota ne’e se bele karik husu ba kompaña ida ne’ebé bele hadi’a. Maibé desde uluk kedas to’o agora ne’e Komapña Jonize ne’ebé normaliza hela dalan ne’e kotu tiha nia ne’e sei mai ke’e hodi ohin loron karreta sira sei bele liu se la’e labele liu ona”, hatete nia.
Tanba Komapña Jonize fornese material ho voluntáriu hodi loke dalan atubele utiliza ba mai, maibé presiza aselera estrada ne’e, tanba projetu emerjénsia.
“Aspal ne’e la’o tiha ba para labele difikulta estrada laran nahe ba di’ak tiha kuandu selindru ateru ho di’ak”, afirma nia. (*)