“Governu ne’ebé lideransa husi Taur Matan Ruak, iha nia programa ne’ebé klaru mak nia programa loloos ne’e dehan katak, povu ema mak sai sentru ba dezenvolvimentu la’ós materiál”, dehan nia ba komunidade iha Suku Purugua, Postu Kailaku, sábadu (18/06).
Tanba povu sai sentru ba dezenvolvimentu, ne'e mak sai aposta iha problema sosiál sira, tanba ne’e mak iha orsamentu foun ne’ebé hanaran Orsamentu Ratifikativu atu halo oinsá mak bele investe iha povu sira ne'e nia problema.
“Povu mós iha direitu atu hetan fundu minarai ne’ebé mak iha no hetan direitu ida ne’e, tanba ne’e bainhira tama ba fulan-dezembru, uma-ka’in ida sei hetan osan $200.00”, informa nia.
Alende ne’e iha mós programa seluk ne’ebé sei benefisia ba povu mak bolsa da mãe ba jerasaun foun sira, ba inan sira ne’ebé mak isin-rua, iha direitu atu hetan subsídiu hodi sustenta bebé ne’ebé mak iha isin.
“Bainhira Bebé ne'e moris tiha nia mós hetan filafali subsídiu rasik para nia to’o boot nia bele iha hodi asesu ba eskola”, esplika nia. (*)