Login to your account

Username *
Password *
Remember Me

UDT Kritika Governu Seidauk Define Estatutu Propriu PNTL

Deputadu Bankada Uniaun Demokratiku Timorense (UDT), Francisco David. Deputadu Bankada Uniaun Demokratiku Timorense (UDT), Francisco David. Foto Suplay

Tempotimor (Dili)-Deputadu Bankada Uniaun Demokratiku Timorense (UDT), Francisco David, kritika Governu liuhusi Ministériu Interior rasik seidauk define estatutu propriu ba Instituisaun Polísia Nasionál Timor-Leste (PNTL).

“Instituisaun PNTL to'o agora seiduak iha estatutu ida atu regula sira no polítika reforma sira-nian, barak loos 20 anos ona sei ativu nafatin iha polísia, ida ne'e tanba sá”, dehan nia iha plenária Parlamentu Nasionál, segunda (13/06).

Tanba Membru PNTL ne'ebé mak servisu durante Timor-Leste restaura ninia independénsia to'o agora sira la bele reforma tanba laiha estatutu propriu.

Aleinde Bankada UDT mós hakarak kestiona kona-ba irregularidade ne'ebé mosu iha prosesu pagamentu subsídiu alimentasaun ba Membru PNTL sira.

“Tinan-tinan ita halo aprovasaun OJE ba instituisaun PNTL sira-nia subsídiu alimentasaun, akontese ke iha 34 pesoál ne'ebé halo promosaun de viza ne'ebé tuir iha akademia ne'ebá, sira-nia subsídiu alimentasaun ko'a hotu ne'e, ida-ne'e nia razaun tanba saida, e ne'e diretu sira nian”, afirma nia.

Tanba ezemplu ida mak inan feton PNTL sira bainhira sira ho kondisaun grávida hodi ba partu, sira hetan oportunidade féria durante loron 90 ka 40 hodi bele halo akompanamentu ba sira-nia oan, nune'e mós ba katuas oan sira féria loron rua hodi halo akompanamentu.

Maibé iha situasaun seguransa ne'e sira laiha diretu ba subsídiu ba alimentasaun ne'e lamentável tebtebes tanba Diretu ida-ne'e tinan-tinan Parlamentu sempre halo aprovasaun.

Maibé kona-ba Frontline ba Membru PNTL sira sai mós preokupasaun tanba Governu deklara subsídiu ne'e ba fulan sia-nian maibé realidade Membru PNTL balun simu fulan hitu no fulan rua lá simu.

“Bainhira iha diskusaun ho seu Ministru Finansa ne'e husu sobre dekretu Governu ne'ebé kona-ba sira Frontline sira fulan-sia (9) áte presente data husi instituisaun PNTL sira barak simu de'it fulan hitu nian, e fulan rua ne'e iha ne'ebé, para ne'e aprova tiha ona atu selu sira. E ministru mai hatete iha loron rua tolu tan selu ona mais to'o ohin loron sira seidauk simu ida”, hatete nia.

Ba kestaun ne'e Vise Prezidente PN, Luis Roberto hatete, kestaun hirak ne'ebé mak hato'o husi deputadu sira ne'e parte tékniku sira husi Ministériu Asuntu Parlamentár no Komunikasaun Sosiál (MAPKomS) rejista hela no sei haruka ba Membru Governu relavante atubele fó resposta. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter