“Rezultadu votasaun a-favór 36, kontra 15 no abstensaun 5, nune’e proposta lei Grande Opsaun Planu 2023 aprovadu iha jeneralidade”, dehan Prezidente Parlamentu Nasionál, Aniceto Longuinhos Guterres Lopes, hafoin anunsia rezultadu votasaun iha reuniaun plenária estraordinária PN, kinta (02/06).

Ba proposta lei ne'ebé hetan ona aprovasaun mak Parlamentu Nasionál sei kontinua hakat ba diskusaun faze espesialidade hodi diskute no aprova.

Iha ne'e Parlamentu Nasionál mós propoin ba Governu kona-ba Lei Enkuadramentu Orsamentu ne'ebé mak prevee definisaun montante totál despeza kada títulu orsamentál proposta husi Governu iha proposta orsamentu define iha jornada orsamentál, atu iha aprezentasaun tuir mai indika informasaun adisionál Grande Opsaun Planu (GOP) no verba ida ne’ebé mak pretende aloka, no kada medida estratéjika aprezenta ho forma ba Parlamentu Nasionál.

Ministru Finansa (MF), Rui Augosto Gomes hatete, ho publikasaun lei Enkuadramentu Orsamentál prosesu osamentu anuál muda ba faze rua; dahuluk mak reforsa papél PN rasik liuhusi Grande Opsaun Planu.

Nune’e Governu mós espera bainhira proposta lei OJE to’o iha PN pratikamente iha pursentu 50 ba proposta lei OJE aprovadu ne’ebé sei veinkula husi Governu.

Tanba Estadu iha perspetiva Grande Opsaun Planu hodi ba reforma fiskál jestaun finansa públika nu’udar prioridade tebes atu iha presipistu orsamentál ne’ebé sei akontese iha tinan 2035.

Ezemplu, bainhira Estadu ida ne'e kontinua inplmenta regulamentasaun lei Enkuadramentu Orsamentál ne'ebé mak foin lalais promulga ona no mellora implementasaun orsamentasaun kada programa iha instituisaun públika no bainhira lei Grande Opsaun ne’e aprova atu halo mellora iha prosesu planeamentu no prosesu transparénsia sidadaun sira. (*)