Login to your account

Username *
Password *
Remember Me

Aban, MNEK Xina Vizita Timor-Leste, Lakohi Jornalista Entrevista

Ministru Negósiu Estranjeiru no Koopersaun Repúblika Popular Xina, Wang Yi. Ministru Negósiu Estranjeiru no Koopersaun Repúblika Popular Xina, Wang Yi. Foto Suplay

Tempotimor (Dili)-Delegasaun Konselleiru Estadu no Ministru Negósiu Estranjeiru no Koopersaun Repúblika Popular Xina, Wang Yi, aban loron sesta (03/06), sei halo vizita mai Timor-Leste ho Aviaun Air China- Aircraft B737-700BBJ, maibé lakohi jornalista sira atu entrevista.

Maske vizita mai Timor-Leste hodi hametin relasaun bilaterál entre nasaun rua ne’e liuhusi akordu neen ne’ebé sei asina ho Governu Timor-Leste.

Tuir ajenda ne’ebé www.tempotimor.com asesu husi Ministériu Negósiu Estranjeiru no Kooperasaun (MNEK) Timor-Leste, kinta (02/06) katak, iha loron sesta (03/06), tuku 03:30, vizita delegasaun Governu Popular Xina mai Timor-Leste iha kobertura mídia nasionál sira iha Airoportu Internasional Prezidente Nicolau Lobato, Komoro, maibé laiha entrevista ruma husi jornalista.

Iha ajenda vizita ne’e delegasaun Xina sei iha enkontru bilaterál entre Ministra Negósiu Estranjeiru no Kooperasaun Adaljiza Magno no Ministru Wang YI iha salaun enkontru Nobre MNEK, hafoin kontinua asina akordu balun husi akordu neen.

Maske la autoriza jornalista sira atu halo entrevista ho delegasaun no Ministru husi Xina, maibé fó espasu ba jornalista sira atubele halo kobertura ba atividade asinatura.

Hafoin ida ne’e, sei kontinua kedas hala’o serimónia asina akordu entre Governu Repúblika Popular Xina ho Governu Timor-Leste iha área neen hanesan Akordu Transporte Sivíl Aero, Ekonómika no Kooperasaun Tékniku; Protokolu iha área saúde; Lisensa ba transmisaun iha RTTL, Troka notas ba segunda faze ba DTMB-A demonstration projects no MoU ba Kooperasaun Agrikultura entre provinsia Hunan Xina no Timor-Leste liliu iha Munisípiu Manatutu.

Delegasaun MNEK Xina, Wang Yi remata asina akordu ho Governu Timor-Leste iha loron sábadu (04/06) sei hasoru malu ho líder másimu na’in-haat hanesan líder Prezidente partidu CNRT, Kay Rala Xanana Gusmão iha Edifísiu G7+, Sekretáriu Jerál Partidu FRETILIN, Mari Bin Amudi Alkatiri iha sede Komité Sentral FRETILIN (CCF)-Komoro, Primeiru Ministru, Taur Matan Ruak, iha Palásiu Governu no Prezidente Repúblika, José Ramos Horta iha Palásiu Prezidensiál Aitarak Laran.

Iha haree ba razaun fundamentu balun ne’ebé mak iha bandu Jonalista labele halo enrevista ho Ministru Negósiu Estranjeiru Xina ne’e desizaun mai husi kedas MNEK Xina, Wang Yi ne’ebé lakohi duni halo entervista no kontaktu besik, tanba iha hela situasaun COVID-19 nian nune'e rejeita mídia halo entervista to'o remata nia vizita iha Timor-Leste.

Tanba ne’e, delegasaun Konselleru Estadu no Ministru Negósiu Estrajeiru Koopersaun Republika Popular, Xina Wang Yi, iha loron sesta (03/06) tuku 03:30 ne'e, simu husi Vise MNEK Julião da Silva sei eskolta husi PNTL husi Unidade Polísia Tránzitu ho Unidade Espesiál Polísia (UEP) no Unidade Polísia Militar (PM).

Komandante Operasaun Nasionál PNTL, Superintendente Xefe Pedro Belo hatete, parte PNTL ho F-FDTL no protokolu hudi MNEK ho Emabaixadór Xina iha Timor-Leste hahú ona halo preparasaun simu vizita delegasaun.

Iha enkotru kordenasaun simu delegasaun Governu Xina ne’e parte protokolu sira deside tenke halo simulasaun uluk kona-ba prosesu simu MNEK Repúblika Polular Xina, Wang Yi iha Aeropotu Internasionál Prezidente Nicolau Lobato-Komoro.

“Ita ohin halo preparasaun másimu ona prontu atu simu ita-nia delegasuan MNEK Repúblika Popular Xina sei mai vitiza Timor-Leste durante loron rua to’o loron 04 juñu tuku 16:50 loraik mak delegasaun MNEK Xina fila”, dehan Pedro ba Jonalista iha Edifísiu MNEK, hafoin remata aktivdade simulasaun, kinta (02/06).

Delegasaun ne’e mai vizita Timor-Leste atu halo saida ne’e parte Governu mak sei hatene, tanba ajenda hotu iha ona, maibé PNTL prontu kumpri ba orden halo seguransa.

“Ha’u hanoin ajenda hotu Governu fó sai ona vizita mai sei hametin koopersaun entre nasaun Xina ho Timor-Leste, tanba programa tuku hira ne’e preparadu hotu ona no seguransa ami prepara ona mak seguransa ba ótel ne’ebé mak delegasaun sira hela ba no ruote batedór sira no ba fatin enkontru sira ami sei tau seguransa konjunta PNTL ho F-FDTL to’o vizita remata iha Timor-Leste”, dehan nia.

Tanba ne’e vizita delegasaun Konselleru Estadu no Ministru Negósiu Estrajeiru Koopersaun Repúblika Popular Xina, Wang Yi mai Timor-Leste sei hetan seguransa másimu.

“Ami sei halo seguransa másimu ba vizita Ministru Negósiu Estrajeiru Koopersaun Repúblika Popular Xina Wang Yi iha kompostu husi PNTL ho F-FDTL sei fahe hanesan, maibé hira ida ne’e segredu ami labele fó sai númeru efetivu seguransa”, hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter