“Inan aman iha dever atu proteje labarik, asegura sira-nia seguransa proteje no molok ema seluk, tanba labarik sira ita bele dehan sira ne'e vulnerável presiza protesaun, presiza domin presiza buat hotu molok sira sai independente”, dehan nia iha Parlamentu Nasionál, kuarta (01/06).
Tanba inan no aman sira iha dever liu no Governu hanesan kompleta de'it liuhusi kria kondisaun hanesan hari’i Komisaun Protesaun ba Labarik inklui kria edukasaun maibé protesaun ne'ebé lolos atu proteje labarik sira ne'e mak Inan ho aman.
Nune'e presiza inan aman tenke tau atensaun tanba labarik sira, tanba labarik timoroan sira mesak matenek intelizente, maibé iha situasaun real ne’ebé akontese iha família entaun labarik lubuk ida nafatin moris iha situasaun ne’ebé la divia akontese.
“Por ezemplu divia sira-nia eskola, divia sira ambiente ne’ebé mak di’ak ba dezenvolve sira-nia matenek, sira-nia ambiente ne'ebé di'ak atu dezenvolve sira nia-an maibé dala barak labarik balu, barak mak la eskola hodi sai ba ajuda Inan Aman, balu mós ho sira-nia hakarak rasik sira ba eskola ne’ebé depois sira hakarak rasik hatutan família ba ajuda sira-nia Inan Aman hanesan ba fa'an dosi ba fa'an modo iha atividade estra”, esplika nia.
Ho situasaun hirak ne'e, tuir lolos iha tempu ne’ebé mak bele kaer servisu iha uma, maibé tempu eskola sira tenke estuda no halo atividade pozitivu sira atu dezenvolve sira-nia an.
Nune’e husu ba Governu liliu Ministériu Solidaridade Sosiál no Inkluzaun inklui Komisaun Protesaun Labarik atu asume papel ida ne'e oinsá bele haree ba realidade moruk sira ne'ebé mak afeta ba Diretu Labarik nian.
Dadauk meiu ne'ebé Estadu uza atu responde ba situasaun hirak ne'e mak Parlamentu Nasionál mós iha ona Projetu lei Protesaun Labarik no Joven iha Perigu ne'ebe mak oras ne'e iha hela prosesu dskusaun iha Espesiallidade.
Ho ida ne'e hanoin katak lei protesaun Ba Labarik no Joven iha perigu ne'ebé dadauk PN diskute hela espera bele responde mós ba preokupasaun labarik sira no proteze sira husi situasaun oioin liliu fó nafatin asisténsia ba sira atu estuda. (*)
