“Iha dia 20 agora, RTTL felizmente, konsege hetan oportunidade husi Estadu ho Governu sei halo lansamentu primeira pedra ba uma foun ida ke sei hari'i duni iha Kaikoli”, hatete nia hafoin audénsia ho Prezidente Repúblika, José Ramos Horta, iha Palásiu Prezidensiál Bairopite, kuarta (01/06).

Tanba tinan 20, RTTL sei utiliza hela edifísiu tuan ne'ebé ma halo iha tempu okupasaun Indonézia ninia, tanba ne'e RTTL mós hahú hetan oportunidade husi Estadu atubele harii edifísiu foun.

Husi konstrusaun edifísiu foun ne’e bele hasa'e liután kualidade RTTL liliu bele Garante mós prosesu dizitalizasaun iha futuru.

Maibé ko'alia kona-ba funsionamentu RTTL durante ne'e sai mós preokupasaun Estadu tomak nian liliu Prezidente Repúblika rasik, inklui Governu oinsá mak bele halo investimentu ida ne’ebé mak forte atubele garante liután kualidade estasaun servisu iha RTTL. (*)