“Primeriu lugar Primeru Ministru nia naran konsellu ministru nia naran no Governu tomak hakarak parabeniza PDHJ ba loron importante ida ohin selebrasaun aniversáriu ba dala 18”, dehan Fidelis hafoin partisipa serimónia aniversáriu PDHJ ba dala-18 iha Salaun Komisaun Nasionál ba Eleisaun sira (CNE), Kaikoli, kinta (26/05).

Ba aniversáriu ida ne'e, Governu mós fó dejezu boot ba Providora Diretu Umanu Justisa ho ekipa tomak atubele kontinua servisu ho fidelidade no opinamentu ne'ebé hatuur ona iha konstituisaun Repúblika.

Maske, dala barak Governu diskusaun ba Orsamemtu Jerál Estadu iha Komité Revisaun Orsamemtu Politika (KROP) la halo intervensaun injerénsia ba orgaun konstituisionál sira ba orgaun soberania hanesan PDHJ maibé Governu so husu PDHJ nia komprensaun tanba fatin ba orsamemtu ne’e ida de'it.

“Entaun prioridade sira ne’ebé mak ita iha, ita tenke defende didi'ak tanba kada aumentu iha parte ida implikasaun ba parte sira seluk, maibé ho ida ne’e hakarak dehan de'it katak lori Governu nia naran ami lakohi atu suvoka ita-boot sira forma jentil ou trava ita-boot sira nia servisu hodi la fó orsamemtu ba imi ne’e nunka intensaun Governu nian”, esplika nia.

Biar nune'e, Governu sempre nakloke atu konversa ho PDHJ hodi define prioridade ba sira-nia instituisaun rasik.

Iha ne'e, Governu mós anota hela kona-ba rekomendasaun sira husi PDHJ, tanba bele konfirma hikas ona katak Governu simu relatóriu barak maibé relatóriu ikus ne’ebé mak sira simu agora halo ona lansamentu no Governu rasik halo analiza sira ba funsionamentu iha institusaun sira. (*)